Gerîlaya YJA-Starî Rojîne Zagros behsê tewrbîyayîşê xo yê PKKyî kerd û vat PKK seba aye yeno çi mana.

Zagrose vat: "Domanîya mi Lubnan û Şam de derbaz bîye. La hişê mi tim Kurdîstanî ser o bi. Bi PKK vengê cinîyan ame eşnawitene, cinîyan dest pê qiseykerdişî kerd. Ma ser o tesîrê rejîmê Sûrîye bibi û mi vat ke ez biba wayîra karêkî beno ke heqê min ê vatişî do bibo. La mi dî ke her kes vera kurdan weriştî payan ser. Wexto ke dormeyê merdimî de nakokîye estba merdim dest pê cigêrayîşî keno. Wexto ke mi PKK nas kerd, wexto ke mi bire daye ke şora koyan û çîyo ke mi xeyalê ci kerd dima mi dî, mi bire daye ke çîyo ke mi dî no yo.

27ê teşrîna peyêne têna seba PKKyî ney seba mi zî roja xodîyîşî ya. Tîya de her çi manaya xo , manewîyatê xo paweno. Wexto ke ez ameye koyan çîyo ke mi ser o tewr zaf tesîr kerd no bi. Dinyaya winasêne de manewîyat zaf girîng o. Wexto ke ti wezîfe ra abigêra garîlayî awe danê to, yenê verê to, şima pîya çay şimenê. Ez heyranê nê çîyan a. Cinîyî û camêrdî pîya seba dewaya xo têkoşîn kenê. Nê halê PKKyî mi ser o tesîrêko pîl kerd.

Ez bawer kena ke zaf cinîyî seba ke bêrê nê koyan, azad bibê, qisey bikê û şer bikê gêrenê rayîranê têkoşînî. Rayîro tewr fîraz û manadar seba mi rayîrê PKKyî yo. Nê koyan de çîyo tewr weş cuya azade yo. Ma sey gerîlayanê YJA-Starî têna hêzê pawitişî yê cinîyanê kurdan nîyê, hêzê pawitişî yê şaranê bindestan ê zî. PKK bi bedelanê xo yê ke dayî aver şi û ser kewt."