Gerîlayê neweyî: Ma seba şarê xo ameyî

Ciwanê ke newe tewrê gerîlayan bîyî îfade kerd ke ê polîtîkayanê dewleta tirke û Îranî yê vera kurdan red kenê û vat, "Ma ameyî koyanê Kurdîstanî ke seba şarê xo şer bikê."

Vera polîtîkayanê tepiştişî û tedaya girane ya dewletanê mêtingeran ciwanê kurdî seba azadîya şaran tewrê gerîlayan benê.Ciwananê ke xo resnayî Herêmanê Pawitişî yê Medya ANFyî reyde qisey kerd.

Memyan Mawayî vat: "Wazenê ke estbîyayîşê kurdan çin bikê. Her parçeyê Kurdîstanî de qirkerdiş kenê. Rejîmê Îranî polîtîkayê teda, asîmîlasyonî û çinkerdişî keno, dewleta tirke zî qirkerdiş û nîjadperestîye kena. Ma zî bire daye ke bibê şerwanê azadîye."

Ferhat Wêranşarî vat: "Dewleta tirkê bêmabên sîyasetê qirkerdişî kena. Şaristananê kurdan rijnena, wazena ke hişmendîya kurdan çin bika. Mi no nêheqî qebul nêkerd û ezs tewrê gerîlayan bîye."

Nûman Çilçemalî vat: "Mi teda rejîmê Îranî qebul nêkerde coka ez tewrê gerîlayan bîye. Mi sîyasetê çinkerdişê kurdan fam kerd. Seba mi wextê têkoşînî dest pêkerd."

Xebat Dîwandereyî vat: "Rewşe de ke dewletê herême plananê qirkerdişê şarê ma kenê nêbeno ke ma şarê xo bêpawitişî ca verdê. Ciwanê kurdî PKK de eşkenê bibê şerwanê azadîye û şorişgêrêko baş."