YNKyî rê di serekê camêrdî
Pavel Talabanî û Lahûr Şeyh Cengî Talabanî bîyî serekê YNKyî.
Pavel Talabanî û Lahûr Şeyh Cengî Talabanî bîyî serekê YNKyî.
Vizêr kombîyayîşê meclîsê serekîye yê YNKyî de raydayîş ame kerdene û netîce de lajê Celal Talabanî Pavel Talabanî û birazîya ey Lahûr Şeyh Cengî Talabanî sey fermî bîyî serekê Yewîya Niştimanî yê Kurdîstanî (YNK).
YNKyî menga kanûne de Silêmanî de kongreya xo kerdbi û 121 endamê Heyetê Serekîye weçînabi. Mîyanê îdareyê neweyî yê YNKyî de Serekkomarê Iraqî Berhem Salîh, Serekê Parlamentoyê Kurdîstanî Rewaz Faîk û Hetkarê Serekwezîrê Herêma Kurdîstanî Kûbat Talabanî zî estê. Yeno pawitene ke Serekkomarê Iraqî Berhem Salîh do bibo sekreterê pêroyî yê YNKyî. Balkêş o ke her di serekê YNKyî zî camêrdî.