'Heta Qeyûm şaredarîyanê ma ra vejîyo ma do xo ver bidê‘

Ê yê ke 28 rojî yo vera destsernayîşê Şaredarîya Amedî xo ver danê, dîyar kerd ke ê îradeya xo ra wayîr vejîyenê û va "Heta ke qeyûm şaredariyanê ma ra vejîyo xoverdayîşê ma do dewam bikero. "

HDP‘îyê ke Amed de 28 rojî yo tewrê xoverdayîşê vera destsernayîşê şaredarîyanê xo benê ANF‘yî rê behsê maneyê tayînkerdişê qeyûman û xoverdayîşê xo kerd.

'Şar Înan Nêinasneno‘

Erdogan Zanayî ard ziwan ke weçînitişê 31‘ê Adare de Selçûk Mizrakli weçînito û va "Eke vanê derbarê şaredarê ma de problem esto o taw eşkayêne meclîsê şaredarîye ra yew weçînitêne. Na yewe yena a mana ke îradeya şarê Kurdan nêşinasnenê. Şarê ma zî bi nê xoverdayîşî cad keno û vano ke ê zî înan nêşinasnenê. Bi pêro astengîyan a xoverdayîşê ma dewam keno. Heta ke destê ma ra bêro ma do dewam bikerê."

'Karmendî Danê Hevseranê Polîsan‘

Makbûle Gunere destnîşan kerd ke seba wayîr ro vengê xo vejîyayîşî a tewrê nê xoverdayîş bîya û va "Demo ke qeyûm yeno vatene girewtişê binê nezaretî yê şaredarîyanê ma yena mi virî. Kam ke wazenê ê kenê karmend. Hevseranê polîsan kenê karmend. Heta ke ma şaredarîyanê xo newe ra bigîrê ma do çalakîyanê xo dewam bikerê.“

'Şaredarîyî ê Înan Ney ê Ma Yê‘

Îbrahîm Yakûtî zî dîyar kerd ke ganî qeyûmî şaredarîyan ra vejîyê û vat, "Mîyanê qereqol û şaredarî de tewr cîyayî çin a. Ma înan nêwazenê ke şaredarîyanê xo de bivînê.“ Çunke dest nayo îradeya ma ser. Heta ke şaredarîyanê ma cameverdê ma do çalakîyanê xo dewam bikerê. Ma do heta peynî heqan û îradeya xo bipawê. Çunke şaredarî ê înan ney ê ma yê."

'Qeyûm Adeletê Dîktatorî yo‘

Abdulkadîr Ekîncî zî nîşan kerd ke heta qeyûm şaredarîyanê înan ra vejîyo ê do çalakîyanê xo dewam bikerê û vat "Qeyûm darbe yo, dagirkerî yo. Qeyûm aletê dîktatorî yo û rejîmê şexsekî yo. Na yewe kotîyê dinya de bena wa biba ma do qebul mekerîme. Heta ke qeyûm şoro ez do tîya de çalekîye bikera."

'Hamnan-Zimistan Ma Do Tîya Bê‘

Makbûle Akyuze ard ziwan ke bi destê qeyûman zulim Kurdan rê yeno kerdene û dîyar kerd "Nêzana ke no zulim do kotî biqedîyo. Çi karê înan şaredarîyanê ma de esto. Madem bi zulmî ê şaredarî ma ra gênê o taw wa weçînitiş mekerê. Ê nêwazenê ke rayî bêrê xebitnayene. Seba wayîr ro reya xo vejîyayîşî ma tîya yê. Ma nêverdanê ke kes reyanê ma bigêro binê pay. Hamnan yan zî zimistan ma do tîya de bê . Ma tîya de bimirê zî heta ke qeyûman bierşawê ma do çalakîyanê xo dewam bikerê.

Venga Kesanê ke Verê HDP’yî de Roniştê Dayîya

Kadriye Polate zî nîşan kerd ke do polîtîkanê qeyûmî çi rey qebul mekerê û da zanayene ke înan Selçûk Mizrakli weçînito, çîyo ke înan rê yeno kerdene zulim o. Polete reyna venga mayanê ke verê awanîya organîzasyonê HDPî yê Amedî de ronîştê da û vat "Gelo ê bawer kenê ke uca de roniştiş meseleyan hal keno? Wa bizanê ke ê mîyanê yew polîtîkaya qilêrin de yê." Polate destnîşan kerd ke verê awanîya HDP‘yî de ronîştişê înan gelekî şerm o vat "Cayo ke verê awanîya HDPî de ronîşenê bêrê ma reyde tewbigêrê. Uca cayê çarekerdişî nîyo."

'Seba Rûmetê Xo Ma Eşkenê Bimirê‘

Kûdret Eryilmaze destnîşan kerd ke şaredarîyê înan seba înan rûmet ê û vat "Ê şaredarîyê domananê ma yê. Gonîya şehîdanê ma yê. Seba nê pêro çîyan ma yenê tîya." Eryilmaze destnîşan kerd ke seba rûmeta xo ê eşkenê bimirê û dîyar kerd, heta ke qeyûman biruşnerê ê do dewaya xo ra fek vera medê.

'Heta ke ma Heqê xo Bîgêrê Ma do Tîya Bê‘

Mehmet Acarî ard ziwan ke îradeya înan, ziwan, kultir û tarîxê înan ameyo înkarkerdene û vat "na yewe nîşanê ê çî ya ke ma xo ver de nêvînenê. Heta ke ma heqê xo bigîrîme ma do tîya bîme."

'Ma Birra Xo 31’ê Adare de Daya‘

Mûhammed Erkîzî diyar kerd ke şar îşxalî do çi rey qebul mekero û vat "31‘ê Adare de şarî birra xo daya. Bi reyanê zafan namzetê nê şarî bîy hemşaredar û mazbataya xo girewte." Erkîzî ard ziwan ke şar êndî bêveng nêmaneno û vat "26 serrî zî derbaz bibê do no şar xover bido. Rojanê destpêkî de vera hendê galan şarê ma xover da. Şarê ma do teslîmê zihnîyetê talankerî mebo.“

https://anfturkce.com/kurdIstan/kayyum-belediyeyi-terk-edinceye-kadar-direnisimiz-suerecek-130326