HPG: Bazîd de yewîyê nimiteyî ameyî pirodayene
HPGyî eşkera kerd ke qezaya Bazîdî ya Agirî de ‘yewîyê nimiteyî‘ yê arteşa tirkî ameyî pirodayene, 2 leşkerî ameyî kiştene 2 leşkerî zî birîndar bîyî.
HPGyî eşkera kerd ke qezaya Bazîdî ya Agirî de ‘yewîyê nimiteyî‘ yê arteşa tirkî ameyî pirodayene, 2 leşkerî ameyî kiştene 2 leşkerî zî birîndar bîyî.
Merkezê Çapemenî û Îrtîbatî yê HPGyî da zanayene ke çalakîyê ke 20ê Teşrîna verêne de qezaya Çelê ya Colemêrgî û herêma Sîdekanî ya Başûrê Kurdîstanî de ameyî viraştenê de xeylî leşkerî ame kiştene û birîndar bîyî.
Eşkerayîya HPGyî wina ya:
BAZÎD DE ‘YEWÎYÊ NIMITEYΑ AMEYÎ PIRODAYENE
‘‘Qezeya Bazîdî ya Agirî de xeylî wexto ke arteşa tirkî ya îşxalkare bi yewîyanê nimiteyan mabênê qereqolê Serêkanî û Gurbulakî de damî nana ro. Hêzanê na wextêko derg ê girewtî binê kontrolî û çarçiwaya Hamleya Şorişgêre ya Serkewtişî de 20ê Teşrîna verêne de vera ci çalakîyêk viraşte. Yewîya dişmenî ke mesafeyo nêzdî ra bi hawayêkê tesîrdarî ameyî pirodayene qaso ke tesbît bi 2 leşkerî ameyî kiştene 2 leşkerî zî birîndar bîyî. Çalakî ra dima artêşa tirkî ya îşxalkare dormeyê xo bi wesayîtanê zirxinan bombardûman kerd û merde û birîndarê xo herême ra bi ambûlansan kiriştî.
ÇELÊ DE ÇALAKÎ: HÛMARÊ MERDEYAN ZELAL NÊBÎ
20ê Teşrîna verêne de çarçiwaya Hemleya Şorişgêre ya Şehîd Pîroze û Şehîd Agirî de hêzanê ma Qilê Koordîne yê qezaya Çelê ya Colemêrgî de vera îşxalkaranê tirkî çalakîyêk viraşte. Çalakîya ke mewzî û stargeyê dişmenî hedef ameyî girewtene, derheqê merde û birîndaran de zanayîş bi dest nêkewt.
SÎDEKAN DE MEWZÎYÊ LEŞKERÎ AMEYÎ PIRODAYENE
Heman roje de saetanê nêmeroje de hêzanê ma çarçiweya hamleya şoreşgêre de Sîdekanê Başûrê Kurdîstanî de çalakîyêk viraşte. Qilê Lêlîkanî de leşkerê dişmenî hedef ameyî girewtene. Çalakîya ke mewzîyê dişmenî bi hawayêkê tesîrdarî ameyî pirodayene netîceyê ci zelal nêbi.‘‘