HPG: Pîran de qeza nêvirazîya, gerîlayan da piro: 7 polîsî kişîyayî

Vejîya werte ke xebara artêşa Tirkî ya Pîranî a qezayê tirafîkî de 2 polîsî merdî raşt nêya. HPG’yî da zanayene Pîran qezayê tirafîkî nêvirazîya, gerîlayan çalakîyêk viraşte, panzerêk ame îmhakerdene û 7 polîsê têgêrayîşê taybetî ameyî kiştene.

Merkezê Çepemenî û Îrtîbatî yê HPG’yî derheqê çalakîyanê gerîlayan de eşkerayîyêk daye û nê pare kerdî:

Dewleta Tirkî do Vera Gerîlayê Dewrê Neweyî Bin Bikewo

‘’23’ê Tebaxe de teyareyanê şerî yê artêşê Tirkî Heftanîn de herêmê Xantur, Qesrokê  û Partîzanî bombardûman kerdî. Heman wextî de xeta sînorî ra zî qereqolanê artêşê Tirkî ra bi hawan û obusan hêriş ame kerdene. Reyna 25’ê Tebaxe de Gelîyê Pîsaxa ser o bombayî ameyî varnayene. Dimayê bombarûmanî artêşa Tirkî bi Skorskyan leşkerî ameyî kiriştene bi Qilê Partîzanî. Derheqê nê harekatê îşxalî de ma do zanayîşanê hîrayan  dima ra pare bikerê. Dewleta Tirkî do vera gerîlayê dewrê neweyî yo ke wayîrê îrade û bawerîya girde yo bin bikewo.

Çalakîya YJA Starî de 3 Îşxalkarî Ameyî Kiştene

24’ê Tebaxe de hêzanê ma çarçeweya Hemleya Şorişgêre ya Şehîd Bager û Şehîd Ronya de çalakîyî viraşte. Detayê nê çalakîyan wina y: Nêzdîyê  Qereqolê Miçiçê yo ke mabênê Gever û Şemzînanê Colemêrgî de yo hêzanê ma yê YJA Starî çalakîya sabotajî viraşte. Çalakîye de 2 polîsê têgêrayîşê taybetî û kontrayêk ameyî kiştene. Mabenê qilanê Şehîd Colemêrg û Şehîd Baranî yê Colemêrgî de çalakîya sabotajî ameye viraştene. Çalakîye de kepçeyêkê dişmenî ame îmhakerdene. Dimayê çalakîye herême Ciloyê Qijî, Şifreza  Bircela ameyî bombardûmankerdene. Netîceya hêrişî de herême de şewat vejîya. Yewîyanê ke nê her di çalakîyî viraşte weşûwar resayê cayê xo.

Pîran de 7 Polîsê Têgêrayîşê Taybetî Ameyî Kiştene

22’ê Tebaxe de hêzanê ma qezaya Pîranî ya Amedî de  da îşxalkaran ro. Çalakîya bitesîr a ke  vera Qereqolê Qilê Tîmî ameye viraştene de panzerêk ame îmhakerdene û  7 polîsê têgêrayîşê taybetî ameyî kiştene. Dimayê çalakîye herême ameye bombardûmankerdene.

Qeza Nê Garîla Da Piro

Artêşa Tirkî ya îşxalkare na çalakîye sey qezayê tirafîkî serwîs kerde û vat 2 polîsî merdî. Heme propoganaya artêşa Tirkî bi çalakîyanê gerîlayan pûç yena vetene. Artêşa Tirkî ya îşxalkare ya ke tim gerîlayan ra debeyanê gîrdan wena bi medyaya şerî ya taybete şarî xapînena. Ganî şarê ma û rayapêroyîya demokratîke bawerîya nînan mekero.

Teyareyanê şerî yê Tirkî 24’ê Tebaxe de herêmê Deşta Kafya, Deşta Nehlê û  dormeyê dewa Kanî Sarkê yê Gare bombardûman kerdî. Bombardûmanan de vînîbîyayeyê ma çîn ê. La erazî de şewat vejîya.’’