HPGyî fermandare Pîroze Mawa yad kerde

HPGyî Menîce Ogreça ke serra 2017î de Zap de şehîd bîye bi rêzdarî yad kerde û vat: "Ma soz danê ke ma do qesasê embazanê xo yê şehîdan bigêrê û Kurdîstan azad bikerê."

Merkezê Îrtîbatî û Çapemenîye yê HPGyî derheqê şehadetê Pîraze Mawa de eşkerayîyêke weşana.

Eşkerayîye wina ya:

"27ê teşrîna peyêna 2017î de hêrişê hewayî yê artêşa tirke ya îşxalkere de embaza ma Pîroze (Menîce Ogreç) a ke Fermandarîya YJA-Starî ya Eyaletê Zapî de bibî şehîd bîye. Sere de keyeyê ci yê erjayeyî rê ma pêro şarê Kurdîstanî yê welatperwerî rê serweşîye wazenê. Şexsa embaza ma Pîroze de ma embazê xo yê ke şehîd bîyî bi rêzdarî yad kenê û soz danê ke ma do pabesteyê erjanê înan bibê. Zanayîşê derheqê embaza ma ya şehîde Pîroze de wina yê:

Nameyê Qodî: Mawa

Name û Peyname: Menîce Ogreç

Cayê Bîyayîşî: Sêrt

Maye-Pî: Hatîce Mehmet

Tarîx û Cayê Şehadetî: 27ê Teşrîna Verêna 2017î / Zap

Embaze Pîroze sey pêro doman û cinîyanê kurdan mîyanê keyeyêkê welatperwerî de bîye pîl û zaf lez pê polîtîkayan û qirkerdişanê vera kurdan hesîyaye. Embaze Pîroze seba cuya zade û xoverdayîşê têkoşînê azadîye 1992 de bi coşî tewrê PKKyî bîye. Roja verêne ra heta roja xo ya şehadetî Embaze Pîroze zaf waranê têkoşînî de bi waştîş, moral, fedakarî û durustîya xo bîye sey mîsalêk. Fikr û îdeolojîyê xelisnayîşê cinîyan ê Rayberê ma embaze Pîroze ser o xeylêk tesîr kerd. Embaze Pîroz zaf cayanê Kurdîstanî de şer kerd û tewr peynî de Eyaletê Zapî de seba çinkerdişê hêrişê dişmenan her tim verê gerîlayan de şîye û seba gerîlatîya dewrê neweyî kewte xîretêkê pîlî mîyan. Şexsa embaze Pîroze de ma reyna şehîdanê têkoşînê azadîye bi rêzdarî yad kenê û ma soz danê ke ma do qesasê embazanê xo yê ke şehîd bîyî bigêrê û Kurdîstan azad bikerê."