Hunermend Kilpper: Tecrîdê Îmraliyî sûcê merdimîye yo

Profesorê Zanîngehê Bergenî yê Norweçî û hunermend Thomas Klipperî ard ziwan ke tecrîdo ke dewleta tirke Zîndanê Îmraliyî de vera Rayberê Şarê Kurdî Abdullah Ocalanî ana ca, sûcê merdimîye yo.

Profesorê Zanîngehê Bergenî yê Norweçî û hunermendê almanî Thomas Klipperî tecrîdê Îmraliyî ANFyî rê ercna.

Kilpperî bale ante îşxalê dewleta tirke yê vera Rojawanî ser û pare kerd ke sûcê dewleta tirke yê vera Rojawanî resayî asta tersneke.

Kilpperî pare kerd ke Abdullah Ocalan 20 serran ra zêdêr o binê tecrîdî de yo û vat: ''Na rewşe bi xo mojnena ke Tirkîya heqanê merdiman binpay kena. Tecrîd îşkenceyo psîkolojîk û sûcê merdimîye yo. Ganî tecrîdê Îmraliyî bêro wedaritene.''

Klipperî wedaritişê Peymana Îstanbulî zî rexne kerd û vat: ''No kerdiş zî gamêka zaf xirab a. Pê nê kerdişî hukmatê Erdoganî reyna binpaykerdişê heqanê merdiman mojna.''

Hunermend Thoman Klipperî îfade kerd ke wextê peyênî de têna Tirkîya nê endamê Yewîya Ewropa zî heqanê merdiman binpay kenê. Klipper bale ante ser ke nê welatan de vera koçberan û multecîyan cîyakerîye yena kerdene. Klipperî vat: ''Ez hêvî ekna ke pêro formê şîdetî do biqedê û dinya de heqê merdiman ê globalî derbazdar benê.''