Merkezê perwerdeyî yê 3 ziwanan: Herêma Cizîre

Herêma Cizîre ya Îdareyê Xoserî yê Demokratîkî yê Vakur û Rojakewtena Surîye de serra neweye ya  banderîye dest pêkerde. Herêma Cizîre ya ke perwerdeyê zafziwanî esto 230 hezar û 489 wendekarî bi ziwanê xo perwerde vînenî.

Herêma Cizîre ya Îdareyê Xoserî yê Demokratîkî yê Vakur û Rojakewtena Surîye 225 dibistanan de ewro serra perwerdeyî û banderîye dest pêkerde.

Konseya Perwerdeyî ya Herêma Cizîre ya Îdareyê Xoserî yê Demokratîkî yê Vakur û Rojakewtena Surîye nê çend serrî tecrûbeyê sîstemî ke ameyî sazkerdene û prosesê hamnanî de pê amadeyîyanê zêdêr serra newî ya perwerdeyî ameye destpêkerdene.

Ziwnê Dayîke Reyde Ziwanêko Bîn ê Herême Bander Benê

Hemsereka Konseya Perwerdeyî ya Herêma Cizîre Semîra Hecî Elî va, ma bi çerçeweya hişmendîya neteweya demokratîke sîstemê  xo yê perwerdeyî zêdêr aver berd û wina va "Wendekarê me yê Ereb, Kurd û Sûryanî wexto ke bi ziwanê xo perwerdeyî vînenî, pê sîstemo ke ma saz kerdo eşkenê ziwanê yewbînan zî bander bîbê. Wendekarê Ereb, Kurd û Sûryanî yê herêma Cizîre perwerdeyê bi ziwanê dayîke heta pola 4'an vînenî û pola 4'an ra heta zanîngehî ziwananê herême ra; Kurdkî, Erebkî, Suryankî eşkenê sey dersêko weçînaye bivînê. Bernameyê perwerdeyî de pola 5'an de zî dest pê dersê ziwano xerîb kenî. Bi nê tewir teyna hukimtîya yew ziwan û kulturî do nêbo.‘‘

Perwerdeyo Bêpere

Semîra Hec Elî îfade kerd ke armancê înan pê nê bernameyî no yo ke şar ziwanê yewbînan bander bibo û wayîrê têkilîyêko xurt û têduşt bibo û wina dewam kerd: ''Dersê jineolojiye zî bernameyê banderîye de estê. Wendekarê dibistanî pola 1'îne û 2'yîne de dersanê komal û cuya vînenî, pola 10'ine û aye ra pey zî dersê jîneolojîye do pêşkêşê wendekaran bibo. Herêma Cizîre sey her serrî emser zî hacetê perwerdeyî kerd xurtêr. Herêma Cizîre û pêro cayanê Herêma Cizîre ya Îdareyê Xoserî yê Demokratîkî yê  Vakur û Rojakewtêna Sûrîye de kitabê perwerdeyî bêpere yê. Herêma Cizîre de mamostayan hamnan de xo seba termîno newe amade kerd. Dibistanan de 18 hezar 621 mamosteyanê ke seba dersanê branşan do bêrê wezîfedarkerdene pêro beşdarê perwerdeyê mamostatîye bîyê. Termîno newe yê perwerde de 19 hezar 189 mamostayî do bêrê wezîfedarkerdene ke înan ra 11 hezar mamostayî cinî yê.‘‘