Meyîtê cinîyêka dêrsimije û di domananê ci hope de dîyayî

Şaristanê Montpellierî yê Fransa de meyîtê cinîyêka dêrsimije û di domananê ci hopa keyeyî de ameyî dîyene. Dozgerîya Montpellierî derheqê serebûtî de tehqîqatêk da destpêkerdene.

Şaristanê Montpellierî yê Fransa de meyîtê  cinîyêka dêrsimije (30) û di domananê ci hopa keyeyî  de ameyî dîyene. Mêrdeyê cinîye şewe wexto ke karî ra agêrayî meyîtê înan dîyî û krîzê sînîrî derbaz kerd.

Dozgerîya Montpellierî derheqê serebûtî de tehqîqatêko hîra da destpêkerdene. Cenazayî seba otopsî wedarîyayî Dezgehê Tipê Edlîyî. Ame parekerdene ke eke çarçewa tedbîranê vîrusê Korona de zorîyêke nêvejîya cenazayî do Dêrsim de bêrê definkerdene.