Onlu: Tirkîya de şarî binê tecrîd de yê

Çalakîya roniştişî ya vera tecrîdê serê Rayberê Şarê Kurdî Abdullah Ocalanî ya ke Dêrsim de vizêr reya 18’ine ameye viraştene de parlamenterê HDP’yî yê Dêrsimî Alîcan Onluyî vat ke Tirkîya de şarî binê tecrîd de yê.

Çalakîya roniştişî ya vera tecrîdî ya Partîya Şaran a Demokratîke (HDP) ya Dêrsimî  18 rojî xo ya dima verdayî. Çalakîya ke Meydanê Seyîd Rizayî de ameye viraştene parlamenterê HDP’yî yê Dêrsimî Alîcan Onlu, merdimê tepişteyan û xeylî hemwelatijî tewrê ci bîyî.

Parlamenterê HDP’yî Alîcan Onlu yo ke çalakîye de qisey kerd ard ziwan ke tena Îmrali de 4 tepişteyî binê tecrîdî de nêyî, heme şarê Tirkîya binê tecrîd de yê û va: ’’Dêrsim zî hem coğrafyaya ci, hem nasname û îtîqatê ci binê tehdît de yê. Bi şiknayîşê tecrîdê Îmraliyî tecrîdê serê heme Tirkîya yeno şiktene. Tecrîdê serê nasname, ziwan û îtîqatê Elewîyan yeno şiktene.’’