Komîteya Rayberdişî ya PKKyî derheqê serrgêra 38. ya xoverdayîşê 14ê Temmuze de eşkerayîyêke daye. Eşkerayîya PKKyî wina ya:

''Ma şexsê  Mehmet Hayrî Durmûş, Kemal Pîr, Akîf Yilmaz û Alî Çîçekî de pêro şehîdan bi rêzdarî û minetî yad kenê. Ma kewenê serra 39. ya serra serkewtişî. Ma serrgêra 38. ya Xoverdayîşê Rojeyê Mergî yê Pîlî ya 14ê Temmuze rê selam kenê. Sere de Roja Rûmetî ya Neteweyîye ya 14ê Temmuze ya Rayber Apoyî yê pêro partî, şar û dostanê xo fîraz kenê.

Xoverdayîşê Rojeyê Mergî yê Pîlî yo ke dewamê Xoverdayîşê Newroze yê Mazlûm Doganî, Xoverdayîşê Çaran bi, rejîmê 12ê Êlule çin kerd. Vera sîyaset û hîşmendîya qirkere ya tirkan 12ê Êlula 1980î de estbîyayîşê kurdan o ke hetê PKKyî ra ameyêne temsîlkerdene vejîya meydan.

38 serrî yo ke pê rayberîya Rayber Apoyî de têkoşînê azadî û estbîyayîşî yê şarê kurdî xeta fedayîye ya Xoverdayoxanê Rojeyê Mergî yê Pîlî yê 14ê Temmuze de dewam keno. Têgêrayîşê Azadîye û şarê ma pê ruhê 14ê Temmuze şer kenê û ser kewenê. No ruh û xete seke gama yewine ya Hamleya 15ê Tebaxa 1984î bîye. Vera sîstemê îşkence û tecrîdê Îmraliyî 22 serrî yo ke vera hêrişanê komploya mîyanneteweyîye  pê ruh û xeta 14ê Temmuze xoverdayîş yeno kerdene. 

Nika Têgêrayîşê Azadîye, şarê kurdî û dostê ci serrgêra ci ya 38. de vera faşîzmê AKP-MHPyî pê xoverdayîş û ruhê 14ê Temmuze têkoşîn kenê û ser kewenê. Ewro îtîfaqê AKP-MHP-Ergenekonî yo ke dişmenîya kurdan keno, dewamê darbeya 12ê Êlule ya leşkerî-faşîst o. Senî ke Darbeya 12ê Êlule de hêrişanê faşîst û kolonyalîstan dest pêkerd ewro zî pê destê dîktatorîya faşîste ya Erdogan-Bahçelîyî nê hêrişî resayî qirikê ma. Na dîktatorîye pê şarê kurdî heqaret kena, şarê kurdî rê zulm û teda kena.

Ewro heman rejîm Îmrali de şexsê Rayberê Şarê Kurdî de tecrîd û tedaya tewr girane ano ca. Vakurê Kurdîstanî de her roje qetlîam keno, hêrişê goran keno û nê hêrişanê xo beno Başûr, Rojawan û Rojhelatê Kurdîstanî. Wazeno Efrînî ra heta Başûrî îşxal bikero, dewleta cergan awan bikero. Eşkera yo ke faşîzmê AKP-MHPyî do çin bibo û her kes ci ra do bixeliso.

Serrgêra 38. ya Xoverdayîşê Rojeyê Mergî yê Pîlî yê 14ê Temmuze de şarê kurdî û Têgêrayîşê Azadîye vera sîyaser û hîşmendîyêka dişmene têkoşîn kenê. Têkoşînê ma yê azadîye welat de û teberê welatî de dewam keno. Îmrali de Rayber Apo, zîndanan de tepişteyê şorişgêrî xo ver danê. Gerîlayê ma yê çêrî her roje derbanê giranan danê dişmenan ro. Alaya serkewtişî û xoverdayîşî ya 14ê Temmuze ewro rayberîya hêzanê gerîlayan ê çêran de destê şar û dostanê ma de berz a.

Gerîlayê ma koyan de, gelî û şaristanan de têkoşînêkê winasênî kenê ke rejîmê AKP-MHPyî do çin bikerê. Xoverdayîşê hêzanê azadîye Efrînî ra heta Serêkanîye û Rojawanî; xoverdayîşê gerîlayanê HPG û YJA-Starî Heftanînî ra heta Xakûrkê; xoverdayîşê şerwananê YPS û milîsanê HBDHyî Colemêrgî ra heta ÎStanbulî faşîzmê AKP-MHPyî do tarûmar bikerê, dîktatorîya Erdogan-Bahçelîyî do teqez çin bikerê.

Nê esasî ser o ma xoverdayoxanê çêran Heftanînî ra bigêre heta çar parçeyanê Kurdîstanî û Tirkîya selam kenê, înan rê serkewtiş wazenê, şehîdanê xo pê rêzdarî û heskerdişî yad kenê. Ma tewrê seferberîya ciwananê Başûrê Kurdîstanî ya seba Heftanînî benê, paştî danê ci. Ma venga ciwanan danê ke tewrê têkoşînê azadîye bibê. Ma venga cinî, ciwan, welatperwer û pêro dostanê xo danê ke têgêrayîşê şorişgêrî yê yewbîyayeyî aver berê, serra 39. ya xoverdayîşî de pê ruhê serkewtiş û xoverdayîşî yê 14ê Temmuze têkoşîn bikerê. Ma venga her kesî danê ke xo belaya AKP-MHPyî ra bixelisnê.''