PKK: Hemleya xoverdayîşî vernîya faşîzmî gêna
PKK: Hemleya xoverdayîşî ya ma tecrîdî bişiknê û faşîzmê birijnê çar leteyê dinya ra vila bîye û resaye merhaleyêka muhîme. No xoverdayîş do faşîzmê AKP-MHP’yî birijno.
PKK: Hemleya xoverdayîşî ya ma tecrîdî bişiknê û faşîzmê birijnê çar leteyê dinya ra vila bîye û resaye merhaleyêka muhîme. No xoverdayîş do faşîzmê AKP-MHP’yî birijno.
Komîteya Rayberdişî ya PKK’yî derheqê Hemleya xoverdayîşî ya ‘Ma tecrîdî bişiknê, faşîzmê birijnê û Kurdistanî azad bikê‘ de eşkerayîye daye û nê pare kerdî:
‘‘Heme merdimîye de dî ke Newroza 2631’ine bîye Newroza biheybetîye ya heme dewiran ra yewe. Sere de şarê Kurdî heme şaran û bindestan meydanê Newrozan kerdî pirr. Raştîya xoverdayîş û serkewtişî ya Newroz a ke roşanê azadîye ya, Hemleya xoverdayîşî ya ‘Ma tecrîdî bişiknê, faşîzmê birijnê û Kurdistanî azad bikê‘ de cuya dî. Milyonan kesan Newroze de vera faşîzmê AKP-MHP’yî ruhê xoverdayîşî ramojna.‘‘
Komîte Hewteyê Qehramanîye yê Neteweyî vist vîrî û vat ke ewro zî xeta Mahsun Korkmazî de qehremanê ma yê neweyî tarîxî de cayê co gênê. Reyna rayverîya Leyla Guvene û Nasir Yagizî de grevê vêşanîye zîndanan û seranserê dinya de vila beno. Gerîlayê azadîye Vakûr de vera faşîzmê AKP-MHP’yî, Rojawan de vera çeteyanê DAÎŞ’î de destananê xoverdayîşî nuseno.‘‘
Eşkerayîye de fermandarî Bager Bedlîs û Ronya Qerse zî ameyî yadkerdene û û şar û gerîla ra ame waştine ke wayîr fermandaranê xo bîvejîyê û semedê waştişê înan bicaardişî xoverdayîş gird bikerê.
Komîteye bale ante serkewtişê QSD’yî ser û vat ke şero tarîxkî ke çar serre kerd derg 11 hezar şehîd û 20 hezar birîndarê QSD’yî estî. Ma şehîdan rê rehmet birîndaran rê şîfa wazenê û serkewtiş înan pîroz kenê.
PKK’yî şehîdê çalakîyanê fedaîyan ê peyênan Zulkuf Gezen, Ayten Beçete , Zehra Saglame û Ûgûr Şakarî yad kerdî, keyeyanê înan rê serweşîye waşte û va: ‘‘Bêşik o ke no xoverdayîşê serkewtiş û azadîye yo. Xeta Mazlûm, Kemal, Xeyrî, Sara û Zîlanan de xoverdayîşê anor û serkwtişî yo. Ganî xêza çalakî raşt bêro famkerdene. Sey kesêk nê sey bi rêxistinkî cewab bêro dayenê. Tayî çalakî estî ke reynakerdişê înan nêbeno. Reynakerdiş bêmanayîye aferneno. Çalakîye Zulkuf, Ûgûr û Ayten embazê wîna yê. Ma bawer kenê ke hem zîndanan de hem zî teber de bi nê zanayîş yeno têgêrayene û çalkîyê ke derbe danê dişmenî rê nê yenê viraştene.‘‘
Eşkerîye de temslîkarê MLKP’yî yê Rojawanî Baran Serhat o ke 23’ê Adare de hêrişê çeteyan de şehîd kewt, ame yadkerdene û ame vatene ke ê do qesasê ey bigê. Reyna şaranê Tirkîye ra ame waştenê ke wayîr mucadeleyê Serhatî bivejê.