Platformê Cuye yê vera Tecrîdî ame ronayene

Seba wedaritişê tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye 'Platformê Cuye yê vera Tecrîdî’ ame ronayene.

Temsîlkarê sivîlî, roşnvîrî, sîyasetmedarî, akademîsyenî û huqûqnasî bajarê Dortmûndî yê Almanya de ameyî têhet û seba wedaritişê tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye, platformêk awan kerd.

'Platformê Cuye yê vera Tecrîdî’ seba ke cewab waştişanê xoverdayîşê grevê vêşanîye rê bêro dayene, ê do Ewropa de karê dîplomatîk û sîyasî bikerê.

Pabesteyan ê Platformê Cuye yê vera Tecrîdî da zanayene ke, ne dewleta Tirkî ne zî Komîteya Vernîgirewtişê Îşkenceyî (CPT) seba bicaardişê waştişanê çalakwanan ê ke reştê sewîyeya krîtîke çîyêk kenê. Platform zaf bajaranê Almanya de çalakîyanê nobete do organîze bikero û bajarê Kolnî de zî rayraşîyayîş û mîtîngêk organîze bikero.

Hemsereka SYKP‘yî ya Ewropa Duygu Yildize bi nameyê Platformî eşkerayêk daye û wina vat, “Tecrîd sucêko vera merdimîye yo. Standartê CPT'yî û raporê ke derheqê Tirkîya de ameyê amadekerdene verê çiman de yê. Senî ke Tirkîya goreyê nê standartan nêtêgêrayena, CPT zî çîyêk nêkeno. Çi heyf ke çalakwanê grevê vêşanîye xeta sûre ra derbaz bîyî. Her vîstike de eşkenê mergî dest pêbikerê. Vergirewtişê nê mergan bi caardişê waştişanê înan beno. Plartfonê ma plan keno ke hem CPT’yî reyde hem zî sîyasetmedar û selahîyetdaranê hukmatê Almanî reyde pêvînayîşan bikero. Reyna selahîyetdaranê sazgehanê mîyanneteweyîyan reyde pabesteyan do bivirazo. Ma vengdayîş heme rayapêroyî yê Almanî kenê ke wa paştdayîş bide platformî û seba ke verê mergê merdiman bêro girewtene tê bigêrê. Wext kêm o. Bêrê ma pêro pîya Leyla Guvene û hevalanê ci bidê ciwîyayene.”

Sazgeh û kesê ke seba platformî ameyî têhet nê yê:

KCDK-E
NAV-DEM
ATÎK
SYKP
AABF
AvEG-KON
SKB
YOUNG STRUGGLE
ADHK
PARTÎZAN
ÇEPO KESK
HDP
HDK ALMANYA
YJK-E
ANATOLIYA MÎYANÊNE
ÎNSIYATÎFÊ KURECIKIYAN
PARTÎYA ŞORIŞGÊRE
DESTPÊKERÎYA MEREŞIYAN
FEDA
KURD AKAD
ÎNSIYATÎFÊ  DEPÎYAN

PLATFORMÊ NEWE RAAWANKERDIŞÊ DÊRSIMÎ
ÎNSIYATÎFA LAZAN
ASÛRÎ-SURYANÎ
PARLAMENTERÊ HDP'YÎ
ERTÛGRÛL KURKÇU
NÛRSEL AYDOGANE
BESÎME KONCA
HASÎP KAPLAN
AHMET YILDIRIM
HAYKO BAGDAT
NAZAN USTUNDAGE
ÇETÎN GURER
KCD-HATÎP DÎCLE