Rojawan de 30 rêxistin û partîyî wayîrê hemleya KCKyî vejîyayî

Rojawan de 30 rêxistin û partîyê sîyasîyî wayîrê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî vejîyayî.

Rojawan de 30 rêxistin û partîyanê sîyasîyan bi eşkerayîya hempare da zanayene ke ê wayîrê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî vejîyenê.

Eşkerayîye de nê ameyî parekerdene:

''Dewleta tirk a îşxalkere û grûbê terorîstê ke pabesteyê ci yê vera sîvîlan sûcanê şerî yê sey remnayîş, mirênayîş, destsernayîşê mulkê taybetî, vêşanyîşê daristanî û pêsnayîşê awe kenê. Nînan a pîya cayê kurdan demokrafî yena bedilnayene. Sûryanî, asûrî, ermenî û êzidîyî yenê qetilkerdene û bizor dîyenê koçbarkerdene. Komîsyonê Neteweyanê Yewbîyayeyan (NY) o eleqedarê babete sûcê dewleta tirke û çeteyanê ci yê Sûrîye eşkera kerd bî. Nê têna qismêkê nê sûcan ê. Ma sey partî û rêxistinanê ke binê na eşkerayîye de morê ma esto, ma tîya ra veng danê  selahîyetdaranê NYyî ke wa heyetêk bişawê herêmanê ke dewleta tirke îşxal kerdî. Wa zext bikerê dewleta tirke û grûba babesteya  ci ya bi nameyê Artêşa Mîllî  ya Sûrîye tîya ra vejî.

Ma pêkerdişê MSD û Patîya Îradeyê Şarî yê Moskova muhîm vînenê û paştî danê pêvînayîşê mabênê Partîyê Yewîyê Neteweyî yê Kurdan  PYNK û  ENKSyî.

Ma falîyetanê hukmatê Şamî yê  ke herême de danê raryraberdene rexne kenê û fînenê vîrî ke Îdareyê Xoserî Vakur û Rojhelatê Sûrîye de dibistanî û dezgehê perwerdeyî ronayî. Hela ke hukmatê Şamî herême terorîstanê DAÎŞî rê verdayene, Îdareyê Xoserî ziwananê kurdkî, erebkî, û suryankî de materyalê perwerdeyî amade kerdene ke û heqê ziwanê dayîke bipawê. Pîya bi nînan ma sey têgêrayîşê azadîye, partîyî û şarê têkoşêrî îlan kenê ke ma  vera sûcan û qirkerdişanê dewleta tirke yê Rojhelatê Mîyanênî paştî danê Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya ke ameye destpêkerdene.''

Partî û rêxistinê ke morê ci binê eşkerayîye de esto wina yê:

-Heyet Tensîq El-Weteniye -Tevgera Guhartina Demokratîk

-Partiya Yekitiya Demokrat (PYD)

-Partiya Yekitiya Suryan

-Partiya Aştî ya Demokrat a Kurdistanî

-Yekitiya Lîberal a Kurdistanî

-Partiya Komînîst a Kurdistanî

-El-Partî Demokratî Kurdistanî-Sûriye

-Partiya Demokrat a Kurd a Sûriye

-Partiya Çepgir a Kurd li Sûriyê

-Partya Çepgir a Demokratî a Kurdî li Sûriyê

-Partiya Komele ya Nîştimanî ya Kurdistanî

-Partiya Guhartin a Demokratî ya Kurdistanî

-Tevgera Nûkirin a Kurdistanî

-Yekitiya Karkerên Kurdistanî

-Desteya Nîştimanî ya Ereb

-Partiya Nûjen û Demokratîk li Sûriyê

-Partiya Kesek a Kurdistanî

-Partiya Wîfaq a Demokratî

-Partiya Îslah-Sûriyê

-Partiya Demokratî ya Kurdî li Sûriyê (El-Partî)

-Partiya Aşûrî ya Demokratî

-Partiya Teaxî ya Kurdistanî

-Partiya Roj a Demokratî ya Kurdî li Sûriyê

-Partiya Nîştimanî ya Azad-Rojava

-Şepêla Pêşerojê ya Kurdistanî

-Tevgera Civaka Demokratîk (TEV-DEM)

-Kongreya Star

-Partiya Muhafezkeran a Demokratî

-Partiya Têkoşîn a Demokratî