'Xespkerdişê şaredarîyan derbeya vera demokrasîyî ya’

Hemşaredaranê Bajarê Pîlî yê Wanî Bedîa ozgokçe Ertane û Mûstafa Avciyî vat 19’ê Tebaxe de demokrasîyî rê derbe ame kerdene.

Hemşaredaranê Bajarê Pîlî yê Wanî Bedîa ozgokçe Ertane û Mûstafa Avciyî vat 19’ê Tebaxe de welat de derbeyêka sîyasîye ameye kerdene.

Bedîa ozgokçe Ertane vist vîrî ke şarê Kurdistanî 31’ê Adere de cewabê qeyûmî da û wayîr îredeyê xo vejîya û va: ‘’Bitaybetî zî Amed, Wan û Mêrdîn de şarî bi ferqê girdî ma vîjnayî. 19’ê Tebaxe de demokrasî rê derbe ame kerdene. Reyna zîhnîyetê qeyûmî vejîya werte û îradeyê şarî xesp kerd. Şaredarî keyeyê şarî ya, keyeyê şarî, şarî rê ameyo qefilnayene. Reyna do peyê ey barîyeranê betonan de, peyê beranê qefilnayen de bi qerarê kesêk bajarêk bêro îdarekerdene. Mîyanê nê qerarî de şar çîn o. Di serrî û nîm de Wan de înan se kerd, ma heme bêhuqûqîya înan tesbît kerd û derheqê ci de cipersayîş da destpêkerdene.  Ma do nêzdî ra rayapêroyîye dir naye pare bikerê.’’

Mûstafa Avciyî bale ante  şar senî vera xepkerdişê heqanê xo wayîrê îradeyê xovejîyeno ser  û va: ‘’Eşkerayo ke neheqîya winayêne rayapêroyîya mîyanneteweyîyî de zî nêno qebûlkerdene. Na derbeyêka sîysîye ya û bi qerarêkê sîyasî ameya girewtene û caardene. Xeyrê naye îqtîdarî rê zî çîn o. Hîrê mengî yo ke ma semedê wedartişê enqazê qeyûmî gureyene. Ma demê weçînitişî de soz dabi şarî ke înan ke ercanê şarî rê destê xo derg kerdo ma naye cayê înan de meverdê. Hîrê mengan de ma seba naye xebatê muhîmî kerdî. Nê kesê ke bêehleqîye kenê û mîyanê gureyanê leminan de yê, ma derheqê înan de hem wezîfeyî ra vetiş û hem zî dosyayê bibelge hadre kerdî. Nê dosyayan ra tayî reseyê mehkemeyan tayî zî hema rayîr de bî. Hukmatî semedê vernîya înan girewtişî qeyûmî vistî dewre.‘’