Îdir û Colemêrg de çalakîyî: Tewr tay 3 eskerî ameyî kiştene

HPG’yî Îdir û Şemzînan de da eskeranê artêşa Tirkî ro. Çelê de zî bi teyareyê bê merdiman ê bombabarkerdeyan vera esker û qeraqolî çalakîyî ameyî viraştene. Ame zanayene ke çalakîyan de tewr tay di eskerî ameyî kiştene.

Merkezê çapemenî û Îrtîbatî yê HPG’yî derheqê çalakîyanê qerîla û bombardumananê artêşa Tirkî de eşkerayîyêka nuştekîye weşanaye.

Eşkerayîye de ama vatene, “Eyaletê Serhatî de çarçewaya Hemleya Serkewtişî ya Şorişgerî de hêzanê ma 20'ê Adare de vera artêşa Tirkî ya îşxalkare çalakîyî viraştî. Goreyê naye ;

Hêzanê ma saete 14:00 de vera qereqolê Hirgovî yê Îdirî de çalakîyêka sûîqestî kerde û netîceyê çalakîye de eskerêkê  dişmenî ame kiştene. Artêşa Tîrk ya îşxalkare çalakîye ra dima bi hetkarîya wesayîtanê zirxînan eskerê xo yê merdeyî herême ra vetî.

Eynî roje hêzanê ma da eskeranê ke mewzîyêkê qereqolê Axurî yê Îdirî de ameyî têhet ro. Çalakîye de 2 eskeî ameyî kiştene. Artêşa Trikî  ya îşxalkare eskerê xo yê merdeyî bi wesayîtanê zirxînan herême ra vetî û bi çekanê giranan na der û dorî ra.

21'ê Adare saete 05:40 de hêzanê ma vera artêşa Tirkî ya îşxalkare serê Girê Koordîne yê qezaya Çelê ya Colemêrgî de çalakîyêk viraşte. Derbê giranî dayî mewzî û stargehan ro labelê hûmara eskeranê merdeyan û birîndaran nêameya tespîtkerdene.

Hêzanê ma 20'ê Adare saete 10:00 de vera qeymeqamtîya Şemzînanî, alaya Rûbarokî û qereqolê Zeytê bi teyareyê bê merdiman ê bombabarkerdeyan çalakîyî viraştî. Nê çalakîyan de hedefê ke ameyî tespîtkerdene ameyê pirodayene. Vîndîbîyayeyê dişmenî nêameyê tespîtkerdene.

Bombardumananê teyareyanê şerî yê Tirkî

Teyareyanê şerî yê artêşa TC’yî ya îşxalkare Wareyê Pawitişî yê Medya bombarduman kerdî. Goreyê naye zî;

20'ê Adare mabênê saetanê 09:30 û 10:30'î  teyareyanê şerî yê artêşa Tirkîy ya îşxalkare der û dorê dewa Enzê ya herêma Qendîlî ya Herêmanê Wareyê Pawitîyî yê Medya, saete 19.30 wareyê Werxelê yê herêma Avaşînî û saete 23:00 zî keyeyê sîvîlan ê dewa Pirbula ya herêma Heftanînî bombarduman kerdî.

Teyareyanê şerî 21'ê Adare mabênê saetanê 09:00 û 10:300 de wareyê Sida û Çemço yê herêma Zapî û Sida û Çemço yên herêma Zapî û Werxelê yê Avaşînî, mabênê saetanê 13:00 û 13:30 de dewa Ebubekirî ya herêma Qendîlî bombarduman kerdî.

Netîceyê bomberdûmanan de vîndîbîyayeyê ma çîn ê labelê keyeyê dewijan ê dewa Pirbula ya ke hêriş bi ci ameyo viraştene heme rijîyayo, wesayît, bax û baxçeyê dewijan zerar dî.