ÎHD: Tepişteyê nêweşî ganî cade bêrê veradayene

îHDyî bala ante serê ke tepişteyê nêweşî grûba rîske ya vîrusê Korona de yê û vat ganî  ê cade bêrê verdayene.

Komeleya Heqanê Mediman (ÎHD) derheqê rîskê vîrusê Korona yê vera tepişteyande  eşkerayîyêke daye. Eşkerayîye de ame vîrardene ke zîndanan de 591ê înan giranî tewr tay hezar 564 tepişteyê nêweşî estê û ame waştene ke wa ê cade bêrê veradayene.

Eşkerayîye de nê ameyî parekerdene: ''Ganî heme tepişteyî bêrê veradayene, deweletê sîgorayê înan bigero xo ser û keyeyanê xo de bêrê tedawîkerdene. Ganî raporêko  bi sebebê weşîye înfazî pey de erzeno qerarê ci têna Dezgehê Tibê Edlîyî (ATK) medo. Reyna nê qerarî de wa dozgerî wayîrê qale nêbî û rapêrê nêweşxaneyê sey esas bêrê girewtene. Ganî qerarê 'semedê asayîşê komelî bitehluke yo/a' yo ke vernîya peydeeştişê înfazê tepişteyanê nêweşan de beno ansteng qanûnî ra vejîyo. Reyna Madeyê 25. û 107. ke destûr nêdanê mabên bidîyo înfazê tepişteyanê nêweşan  bêrê wedartene. Ganî goreyê qeraranê Mehkemeya Heqanê Merdiman a Ewropa (MHME) bêro têgêrayene. Ganî serekkomar semedê efûkrdişê nêweşanê giranan heme tepişteyan seyciye tepişo.''