Amed de ciwanan çalakîyî viraştî

Têgêrayîşê Ciwananê Şorişgêran (DGH) da zanayene, vera hêzanê dewleta Tirkî bi bombaya bivenge û fîşekanê hewayî çalakîyî ameyî viraştene. Vera çeteyanê narkotîkî zî çalakîya hîşyarîye ame viraştene.

Koordînasyonê DGH'’î eşkerayîyêka nuştekîye weşanaye û da zanayene, vera tecrîdkerdişê Rayberê şarê Kurdî Abdullah Ocalanî hemberê hêzanê dewlete çalakîyêk ameye viraştene.

Eşkerayîye de ame vatene, “Şanê 20'ê Gulane taxa Seyrantepe ya qezaya Yenîşehîrî ya Amedî de, hêzênê ma vera dişmenê îşxalkarî bi bombaya bivenge û fîşekanê hewayî çalakîye viraşte.”

Goreyê eşkerarîyeye, hêzanê rejîmê Tirkî dimayê çalakîye taxe girewte binê ablûqa û yewîyanê DGH’yî zirar nêdî û herême ra vejîyayî.

DGH’yî da zanayene, eynî wext de taxa de vera çeteyanê narkotî de çalakîyêka hîşyarîye ameye viraştene. Eşkerayîye de ame vatene, “Vera çeteyanê narkotîkî yê ke erdê Kurdistanî de jehr danê ciwananê ma, na çalakîya hîşyarîya ma ya peyên a. Eke bi nê hawayî dewam bikerê, no do bibo yew bi yew peynîya înan. Wa her kes naye bizano ke ma qet na yewe qebûl nêkenê û ma do qetî qebûl nêkerê.”