Artêşa tirkî Cûdî de dest bi operasyonêk kerd
Ame eşnawitene ke arteşa tirkî herêma Cûdî ya Şirnexî de operasyon dayo destpêkerdene.
Goreyê xeberanê çimeyanê cayîyan, artêşa tirkî bi yewîyanê xo yê nimiteyan herêma Cûdî ya Şirnexî de dest bi operasyonêk kerd.
Operasyon herêmanê Girê Hîrmo, Hesena û Girê Çolya yê Cûdî de yeno viraştene.
Herême de têgêrayîşêko leşkerî dewam keno û yeno pawitene ke do operasyon bêro hîrakerdene.
Aşmanê ravêrteyan de heman herême de yewîyanê nimiteyan ê arteşa tirkî gerîlayan ra derbeyê girdî werdîbî.
