'Bêvengîya Ewropa Kurdanê qehremanan rê xîyanet o'

Meqaleyanê rojanameyanê Norweç û Swêdî de vengdayîş hukmatî rê ame kerdene, seba wedaritişê tecrîdê serê Rayberê Şarê Kurdî Abdullah Ocalanî tewir bîgê.

Rojnameyê Norweçî yo wayîrê tîrajê tewr berzî Aftenposten, meqaleya endama Heyetê Rayberî ya Federasyonê Ciwanan ê Kurdî yê Norweçî Bêrîtan Algunerhane bi sernuşte “Ganî parlamento paşt bido Leyla Guvene û şansêk bido haştîye” weşane.

Algunerhane, meqaleya xo de ard vîrî ke parlamentera HDP’yî Leyla Guvene seba protestokerdişê tecrîdê serê Rayberê Şarê Kurdî Abdullah Ocalanî 101 rojî yo grevê vêşanîye de ya û vat ke tecrîdo ke serê Ocalanî de yeno kerdene, vera heme  pêkerdişanê mîyanneteweyîyan o.

ÇALAKÎYÊ GREVÊ VÊŞANÎYE RÎYÊ BÊVÊNGÎYA EWROPAYE RA YÊ

Algunerhane, ard vîrî ke Abdulah Ocalan, mîmarê pêvînayîşan yê mabênê PKK û dewleta Tirkî de ameye kerdene yo û vat, “Des mîlyonî ra zêde kesî tewrê kampanyaya ‘Ocalanî rê azadîye’ bîyî. Na kampanya îmzayan a tewr girde ya tarîxî ya. Leyla Guvene, bi seyan aktîvîst, akademîsyen û sîyasetmedarî, seba ke tecrîdkerdişê Ocalanî bêro wedaritene kewtî grevê vêşanîye. Waştişê çalakwanan zaf asan ê, vanê wa tecrîd bêro werdaritene. Abdullah Ocalan avûkat û keyeyê xo reyde pêvînayîşan bikero.

Algunerhane, da zaneyene ke, bêeleqedarîya Ewropa ya hemberê persêka Kurdî û tecrîdkerdişê Rayberê Şarê Kurdî Abdullah Ocalanî, cesaret dano dewleta Tirkî û wina dewam kerd, “Grevê vêşanîyê, netîceyê pasîfbîyayîşê Ewropa yê. Ez vengdayîşê parlamentoyê Norweç û Wezaretê Karê Teberî yê Norweçî kena, seba wedaritişê tecrîdî zext dewleta Tirkî rê bikerê.”

BÊVENGÎYA CÎHANÎ VERA KURADANÊ QEHRAMANAN XÎYANET O

Sîyasetmedarê Valida Cicen o Şîlinij zî, rojnameyê Swêdî yo bi nameyê Dala-Demokratenî de Meqaleyêk nuşte û bevengîya cîhanî ya vera hêrişanê dewleta Tirkî yê serê Kurdan û tecrîd rexne kerdî.

Cicenî vat, “Bêvengîya cîhanî ya vera Kurdanê qehremananan xîyanet o. Nêzaketîyêka teberê merdimî ya ke cîhanê teberî paştdarîye nêdaye Kurdanê ke terorê DAÎŞ’yî  qedênayo. Leyla Guvene bi çalakîya xo ya grevê vêşanîye ya ke roje bi roje helîyena, seba haştî, heqê merdiman û demokrasî têkoşîn kena. Seba qedênayîşê tecrîdkerdişê Rayberê Şarê Kurdî Abdullah Ocalanî kewte grevê vêşanîye.

Cicenî, vengdayîş rayberîya Swêdî zî kerd ke paştdayîş bidê Kurdan û seba peynîciardişê nê polîtîkayanê faşîzan yê dewleta Tirkî zextan bikera.