Cenazaya gerîlayê HPGyî Olçenî ameye definkerdene

Cenazaya gerîlayê HPGyî Erhan Olçeno ke Licê de şehîd bi, 108 rojan ra dima binê dormegirewtişê polîsan de ameye definkerdene.

Cenazaya gerîlayê HPGyî Erhan Olçeno ke 3ê teşrîna peyêna 2019î de qezaya Licê ya Amedî de şer de şehîd bi, 108 rojan ra dima keyeyê ci rê ameye teslîmkerdene.

Cenazaya Olçenî morgê Nêweşxaneyê Cigêrayîşî û Perwerdeyî yê Gazî Yaşargîlî de ameyêne vindertene. Vizêr şan cenaza keyeyê Olçenî rê ameye teslîmkerdene. Keyeyî binê dormegirewtişanê wesayîtanê polîsan de cenaza berde Goristanê Yenîkoyî. Polîsan nêverda ke endamê MEBYA-DERî û HDPyî tewrê merasîmê cenaza bibê.

Cenaza têna bi tewrbîyayîşê ferdanê keyeyî ameye definkerdene.

Seba Erhan Olçenî Keyeyê Şînî yê Farqînî yê taxa Bagcilarî yê qezaya Baglarî de serweşîye yena qebulkerdene.