Cenazaya Saglame binê ablûkaya cendirmeyan de ameye definkerdene

Cenazaya Zehra Saglam a ke seba protestokerdişê tecrîdî Zîndanê Oltî de çalakîya fedaîye de şehîd kewte binê ablûkaya cendirmeyan de bi tewrbîyayîşê ferdanê keyeyê aye ameye definkerdene.

Zehra Saglam a ke Zîndanê Tîpê T’yî yê Girewteyî yê Otlîyî de seba protestokerdişê tecrîdê serê Rayberê Şarê Kurdî Abdullah Ocalanî çalakîya fedaîye viraşte û şehîd kewte sere de dest dîya serê cenazaya aye û dima ra cenazaya aye Sazîya Tibê edlî yê Erziromî ra hetê cendirmeyan ra ameye girewtene û ameye berdene bi dewa Xinzorî (Kayalikale).  Seba ke dekewtiş û vejîyayîşê dewe hetê Walîtîya Mûşî ra ame qedexekerdene û dorê dewe bi wesayîtanê zirxinan hetê polîs û cendirmeyan ra ame girewtene, destûr nêdîya ke parlamenterê HDP’yî û şar tewrê wedartişê cenaza bibo. Gama ke cenaza ameye definkerdene cendirmeyan hûmara beşdaran rê zî sînor rona, tena verda ke tayê ferdê keyeyî tewrê ci bibê. Cenazaya Saglame binê ablûkaya cendirmeyan de ameye definkerdene.

Cenazayê Zulkuf Gezen û Ayten Beçete yê ke seba protestokerdişê tecrîdê serê Ocalanî çalakîya fedaîye kerdebî bi heman hawayî ameyîbî remnayene, tena bi tewrbîyayîşê ferdanê keyeyî saetanê şewe de binê ablûka de ameyîbî definkerdene.