Farqîn de polîsan kerraya mezelê gerîlayê HPGyî raqilnaye

Goristanê Tekelî yê Farqînî de polîsan mezelê gerîlayê HPGyî Ramazan Yilmazî weşana û kerraya ke nameyê ey ser o nuştebi raqilnaye, berde.

Goristanê Tekelî yê qezaya Farqînî ya Amedî de polîsan 11ê kanûnê de mezelê gerîlayê HPGyî Ramazan Yilmazî weşana û kerraya ke nameyê ey ser o nuştebi raqilnaye, berde.

Birayê Yilmazî Kerem Yilmazî vat: ‘‘Hewteyê Heqanê Merdiman de hêrişo winayên ma şermezar kenê. Tirkîya de merdeyanê kurdan rê zî tehemul çîn o. Bi hêrişkerdişê goristanan wazenê ke zerrîya merdimanê înan bidejnê. La ma sey keyeyanê şehîdan rixmê heme dejan û hêrişan wayîrê şehîdanê xo vejîyenê. Ma do muracatê Komeleya Heqanê Merdiman bikerê û derheqê hêrişkaran de pêhesnayîşê sucî bikerê.‘‘