HDP: Ma do ablûqayan û sûcanê merdimîye xo vîr ra mekerê

HDPyî bi wesîleya serrgêra hêrişanê qirkerdişî de ekerayîyêk daye  û va: ‘‘Ma do ablûqayan û sûcanê merdimîye xo vîr ra mekerê.‘‘

Hemserekanê Pêroyî yê HDPyî Pervîne Buldan û Sezaî Temellîyî eşkerayîyêka nuştekîye daye û  bale ante ablûqaya 14ê kanûna 2015î ser.

Hemserekan vist vîre ke 30ê teşrîna peyêna 2014î de Heyetê Asayîşê Mîllîyî (MGK) de qerarê ‘planê çokdayîşî‘ ame girewtene û çarçeweya nê planî de Walîtîya Şirnexî 14ê kanûna 2015î  Cizîrê û Silopî de ‘qedexeyê tebervejîyayîşî yo bêmabên’ îlan kerd. 4 serrî ravêrtî nika AKP têna qedexeyê tebervejîyayîşê ney heme heqanê şarê binpay kena.

Eşkerayîye de nê ameyî parekerdene: ''14ê kanûna 2015î ra dima bi seyan hemwelatijî ameyî qetilkerdene û vera merdimîye bêhûmar sûcî ameyî kerdene.  Bi nê hêrişan ame waştene ke şarê kurdî hetê sîyasî û komekî ra bêro tafsîyekerdene û çînkerdene. Hêrişê tewr giranî Cizîre de ameyî kerdene. Doman û cinîyî zî tede tewr tay 229 kesîa bi çeke û vêşnayîşî ameyî qetilkerdene. Sere de şirex xeylêk bajaran de bi seyan kesan bizor erdê caverda. Sûra tarîxîye ameye rijnayene. Xeylêk dezgehanê netewî û mîyanneteweyî bi belgeyan raporê binpaykerdişê hewanê mediman amede kerdî. Rixmê naye sucdarî nêameyî hukmkerdene dewa û cipersayîşî bêcezakerdişî ameyî peynîkerdene. Îqtîdarê AKPyî bi qanûnê teybetî îdarekarê xo yê sivîl û leşkerî yê  ke sûcê girdî kerdî, pawitî. Ewro mebo zî peynî ra tewr peynî do qetilkarî hesabê kedişanê xo bidê. Ma sey HDP yî ne a roje ne zî ewro vera zulmo ke şarê ma rê yeno kerdene bêveng manenê û ma do çirey bêveng memanê. Ma do Dayîka Taybete, Cemîle Çagirga, Mehmet Tunç, Asya Yuksel, Pakîze Nayir, Sevê Demîr, Mehmet Yavuzelî û heme şehîdanê xo yê ke ameyî qetilkerdene çirey xo vîr ra mekerê.‘‘