HPG: 19 îşxalkerî ameyî cezakerdene

Gerîlayanê Azadîye yê Kurdîstanî semedê yakderdişê şehîdanê Menga Gulane çalakîyî kerdî. Çalakîyan de 19 îşxalkerî ameyî kiştene û xeylêk mewzî, sîstemê kamera û teleskopê leşkerî ameyî îmhakerdene.

Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

''Çalakîyê hêzanê ma  roja 40. de bi perspektîfê şerê şarê şorişgêrî û rûhê fedayîyî yê Apoyîyî bêmabên dewam kenê. Çalakîyanê bitesîran ê peyênan de zî têdima derbeyê gidî dîyayî dişmenî ro. Dewleta tirke ya îşxalkera ke vera têkoşînê hêzanê ma nêeşkena aver şiro reyna çeka kîmyewîye şuxulnaye. Rixmê heme hêrişan, çalakîyan de 19 îşxalkerî ameyî cezakerdene û 4 îşxalkerî birîndar bîyî. xeylêk mewzî, sîstemê kamera û teleskopê leşkerî ameyî ameyî îmhakerdene.

Detayê çalakîyan wina yê:

Avaşîn

23ê gulane de Girê Werxelê yê Warê Xoverdayîşî yê Werxelê de îşxalkerî bi taktîkê sûîkastî ameyî pirodayene, îşxalkerêk ame cezakerdene. Eynî roje îşalkeranê ke sîstemê kameraya mobese herême de cakerdêne hetê hêzanê ra pê çekanê giranan ameyî pirodayene. Îşxalkeran melzemeyê xo ca verda û remayî.

Zap

22ê gulane de mezîyê şerî yê warê Şehîd Tolhildanî yê Warê Xoverdayîşî yê Kurojahroyî pê çekanê kîmyewîyan dîyayî bombayan ver. Îşxalkeranê ke waşt aver şirê hêzanê ma mudaxaleyê înan kerd û pêkewtişê giranî qewimîyayî. Îşxalkeranê ke derbeyê girdî werdî mecbûr mendê ke peyser agêrê. 22 û 23ê gulane de îşxalkerê ke warê Şehîd Hewrê yê Warê Xoverdayîşê Şehîd Şahînî de ameyî pirodayene mecbûr mendê ke peyser agêrê. 23ê gulane de warê Cîloya Biçûkî de hêzanê ma çalakîya sabotajî kerde, 2 îşxalkerî ameyî cezakerdene. Eynî roje dormeyê  mewzîyanê şerî yê Şehîd Berxwedanî yê Şehîd Şahînî de îşxalkerî ameyî pirodayene, 2 îşxalkerî ameyî cezakerdene, mewzîyêke, teleskopêkê leşkerî û sîstemêkê kamaya mobese ameyî îmhakerdene. Îşxalkeranê ke waşt badê çalakîye herême bidê bombayan ver reyna ameyî pirodayene , 2 îşxalkerî ameyî cezkaerdene û îşxalkerêk birîndar bi. Îşxalkeran saetanê şanî de 12 rey vera mewzîyanê şerî çeka kîmyewîye şuxulnaye.  Warê Xoverdayîşî yê  Şikefta Birîndara de zî hêzanê ma di rey da îşxalkeran ro,  3 îşxalkerî ameyî cezakerdene û îşxalkerêk birîndar bi. Eynî roje mewzîyê şerî yê Şikefta Birîndara, Girê Cehenemî û Şehîd Berxwedanî 11 rey pê çekanê kîmyewîya dîyayî bombayan ver.

Metîna û Heftanîn

23ê gulane de hêzanê ma  qereqolê  dewleta tirke yê Kanî Masî  hedef girewt. Netîceya pirodayîşanê bitesîran de garajêk û mewzîyêke ameyî derbkerdene. Eynî roje warê Şehîd Agirî yê Girê Ortê yê Metîna de yewîyêka nimitîye ya artêşa tirke hetê hêzanê ma ra di hetan ra ameye pirodayene, 2 îşxalkerî ameyî cezakerdene.19ê gulane de  warê Xantûrî yê herêma Heftanînî de îşxalkerê ke derûdorê Girê Xaçî de bî, ameyî pirodayene. Na çalakîya bitesîre de 7 îşxalkerî ameyî cezakerdene û 2 îşxalkerî ameyî birîndar bîyî. Çalakîyê Metîna û Heftanînî semedê qesasgirewtişê fermandaranê ma yê bêmergan Mîrza û Andokî ameyî kerdene.

Bombarduman

23ê gulane de warê Girê Amediye, Girê Bihar, Girê FM, Saca, Çemço, Rênçbir Axa, Şikefta Birîndara, Kurojahro ve Sîda yê herêma Zapî, Girê Hakarî û Gelîya Beşîle yê herêma Metîna, Warê Xoverdayîşî yê Werxelê yê herêma Avaşînî û Girê Şekîf û Gelîya Lolanî yê herêma Xakurkê pê teyarayanê şerî û obusan ameyî pirodayene.