Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişanê hewayî yê serê Herêmanê Pawitişî yê Medya de eşkerayêka nuştekîye weşanaye.

HPG’yî da zanayene ke, hêzanê înan roja 19’e Adare saete 13:00 de vera artêşa Tîrkî ya ke Girê Xeregolî yê qezaya Çelê ya Colemêrgî de ca bîya, çalakîyêk viraşte. HPG’yî vat, çalakîye de mewzî û stargehê dişmenî  ameyî prodayene, hûmara merdeyan û birîndaran nêameya tespîtkerdene.

HÊRIŞÊ HEWAYÎ

HPG’yî derheqê hêrişanê hewayî de vat: “Roja 20’ê Adare (Ewro) teyareyanê şerî mabênê saetanê 09:00 û 10:30 de dewa Bêreşê, Bêpalan û Kozinê û herêma Kalatûka, herêma Qendîlî û Herêmê Pawitişî yê Medya bombarduman kerdî.

Reyna roja 19’ê Adare seate 16:00 de teyareyanê şerî yê artêşa Tirkî ya îşxalkare girê Avdilovî û Lêlikan yê herêma Sîdekanî ya Başûrê Kurdistanî bombarduman kerdî.

Netîceyê bombarduman de tu vîndîbîyayeyê ma çîn ê labelê hêrişê hewayî yê vera Qendîlî de zerarêko madî reşto bax û baxçeyanê dewijan.”