Merkezê Îrtîbatî û Çapemenîye yê HPGyî bi eşkerayîyêke nasnameyê 2 şehîdan eşkera kerdî.

Eşkerayîya HPGyî wîna ya:

''Ma eşkerayîya xo ya 13ê temmuza 2020î de dabi eşnawitene ke 11ê temmeza 2020î de herêmanê Şehîd Bîrhat û Tepê Qertalî yê warê Heftanînî de netîceya bombarduman û pêkewtişan de hemrayê  ma Evîne û Bahoz tewrê kerwanê şehîdan bîyî.

Nasnameyê embazanê ma yê ke şehîd bîyî wîna yê:

Nameyê Qodî: Evîne Şîlan Name û Peyname: Heyfê Remo Cayê Bîyayîşî: Qamişlo Maye - Pî: Gulçîne - Şelal Tarîx û Cayê Şehadetî: 11ê Temmuza 2020î/ Heftanîn

Nameyê Qodî: Bahoz Suruç Name û Peyname: Mehmet Altinel Cayê Bîyayîşî: Riha Maye - Pî: Îslime - Fehmî Tarîx û Cayê Şehadetî: 11ê Temmuza 2020î/ Heftanîn

Hemrayê ma Bahoz û Evîne ke bi qerardarîya pîle tewrê Hemleya Şorişgêre ya Cengê Heftanînî bîyî, keda  pîle daye û bîyî serkêşê xoverdayîşê Heftanînî. Hemrayê ma Bahoz û Evîne vera îşxalkeran û çeteyanê ci yê hemkaran xoverdayîşo xurt da û derbê pîlî dayî înan ro. Hemrayê ma Bahoz û Evîne ke leteyanê cîya cîyayan ê Kurdîstanî ra tewrê sefanê gerîlayan bîyî bi felsefeya Rayber Apoyî tarîxê xoverdayîşî de nameyê xo pê herfanê zerdan nuşt. Hemrayê ma Bahoz û Evîne ke heta nefesê xo yê peyêne semedê xelisnayîşê Kurdîstanî bi hewayêke qehremankî şer kerd do tim hetê têgêrayîş û şarê ma rê bihurmet bêrê vîrardene.

Sere de keyeyanê ercîyayeyan ê şehîdan rê ma pêro şarê welatperwerî yê Kurdîstanî rê serweşîye wazenê. Ma soz danê ke do armancanê şehîdan bîyarê ca.''