Endamê Komîteya Rayberdişî ya PKKyî Duran Kalkanî bi wesîleya serrgêra 47ine ya ronîyayîşê PKKyî cewab da persanê ANFyî.  Beşê yewinî yê roportajî ra tay noqtayê girîngî wina yê:

''Ez serrgêra ronîyayîşê partîya ma fîraz kena. Nê 46 serranê peyênan de çîyo ke tewr ameybî nîqaşkerdene ronîyayîşê PKKyî bi. Xora zaf ercnayîşî zî ameyî kerdene. La ercnayîşê tewr manadarî hetê şehîdanê ma û Rayber Apoyî ra ameyî kerdene.

Wexto ke PKK ronîyabi dinya cîya bibî, têkoşînê azadîye cîya bibî, Yewîya Sovyetan est bîya. PKKyî xo rê fikro şorişger kerdbi esas û bi nê hawayî ronîya. Ê prosesî de kurdan rê çinkerdişê neteweyî ameyêne ferzkerdene. PKKyî yanî Rayber Apoyî coka paradîgmaya neteweya demokratîke awan kerde. 

PKK şorişê raştîye keno. Rayber Apoyî no pawitişanê xo de eşkera kerd. PKK azadîya cinîyan, neteweya demokratîke, komelê ekolojîkî esas keno. PKK se keno, do se bikero vano. Yanî ano ca. PKK giranîye dano têkoşînê cinî û ciwanan.

PKKyî ra nêbîyêne şarê kurdî do  biameyêne çinkerdene. Ronîyayîşê PKKyî ra ver kurdî rêxistinkerde nêbibî, ameyêne înkarkerdene. PKKyî kurdî rêxistin kerdî, bawerîye daye kurdan. Kurdan 50 serran ra nata more xo daya binê xoverdayîşî. PKK bi kultur, tarîx, ziwan û terzê cuye yê şarêkî. PKKyî verê kurdan da têkoşînî. PKKyî ra nêbîyêne ne kurdayetîye ne zî Kurdîstan do bimendêne.

PKK binê nameyê neteweya demokratîke de yanî konfederalîzmê demokratîkî de pêro nasnameyê bînî mîyanê azadîya pêroyînan de vîneno. Goreyê PKKyî ganî her kes est bo, azad bo. Yanî PKK nêvano ke 'eke o çin bibo oyo bîn do est bo.' PKK ney zî bi şorişê ferasetî keno. 

Rayber Apoyî domanîya xo de cara rewşa cinîyan ê kurdan ercnaye. Ey cinîyan ser o ercnayîşî kerdî û pare kerd ke cinîyî hêzê raştikênî yê têkoşînê azadîye yê. PKKyî ronîyayîşê xo de bi xurtî venga cinîyan dabi. Bi nê hawayî mîyanê PKKyî de têkoşînê cinîyan xurtêr bi û dima artêşa cinîyan ronîyaye. Hêverî PAJK ronîya. Dima zî YJA-Star.

Rayber Apoyî paradîgmaya xo ya newîye de zî azadîya cinîyan kerde esas. Ey bingeyê Jineolojî de azadîya cinîyan kerde esas. Şîarê Jin, Jiyan, Azadî yo ke Rayber Apoyî ci rê vatbi 'formulo efsûnî' bi hêzê komelî. Cinîyî ewro serkêşîya nê şîarî de ver bi şorişî şinê.

Nika 25ê Teşrîna Peyêne beno nêzdî, ci ra di rojî dima zî ronîyayîşê PKKyî yo. Ganî nê bêrê yewkerdene. Çunke seba azadîya cinîyan tewr zaf PKKyî têkoşîn kerd.

PKK yew têgêrayîşê Rayberîye yo, têgêrayîşêko serkêş o. Ronîyayîş, averşîyayîş yanî her çîyê PKKyî de keda Rayber Apoyî est a. PKK destpêkî ra nata Rayberîye de yew bi. Raşt famkerdişê Rayberîye raştfamkerdişê PKKyî yo. 

Bi taybetî 26 serran ra nata hêrişî raşta raşte Rayber Apoyî kenê hedef. PKK senî payan ser de mendo? Çunke PKK hêzê xo merdimanê raştan, kede, rêxistinîye, hêzê cewherî ra gêno. PKKyî têgêrayîşanê verênan ra dersî girewtî. Tarîxî ra dersî vetî. Eqsê têgêrayîşanê bînan, PKKyî bawer kerd ke merdimo zaneye yo ke xo  perwerde û rêxistin keno hêzo tewr pîl o, coka bin nêkewno.

PKK tim reformîst bi, teslîmîyetîye rexne kerde. PKKyî qetî nîjadperestîye nêweçînaye. PKKyî rewşêka Darbeya 12ê Êlule de çeke girewte destê xo. PKKyî paradîgmaya xo zî nişka ra nêvurnaye. PKKyî bi nê hawayî 50 serran têkoşîn kerd. Xora oyo ke xo nêvurneno ser nêkeweno.''

Do dewam bikero...