Muxabîrê MA Omer Akin û lajê Wekîla HDPyî ya Amedî Remzîye Tosun Muhammet Şîyar Tosun ameyî destbendkerdene.

Lajê Wekîla HDPyî ya Amedî Remzîye Tosun Muhammet Şîyar Tosun (18) ame destbendkerdene. Ame vatene ke Tosun seba ke Amedî de tewrê çalakîyêka vera polîsan bi û madeya teqebar a ke serra 2015î de ameye destkewtene ser o rêça êngiştanê ci esta lîseyo ke tede waneno de hetê polîsan ra ame destbendkerdene.Tosun Mudirîyetê Asayîşî yê Amedî de yeno tepiştene.

Hetê bînî ra muxabîrê Ajansê Xeberan ê Mezopotamya (MA) Omer Akin zî gama ke Qezaya Dêrikî ya Mêrdinî de destbendkerdişê Hemşaredare Mulkiye Esmez teqîp kerdêne ame destbendkerdene.