'Ma do hesabê qirkerdişan bipersê'
Fermandarîya Qerargahî ya Merkezê Pawitişî yê Şarî derheqê hêrişê dewleta tirkî yê serê Başûrê Kurdîstanî de eşkerayîyêka nuştekîye daye û va: ''Ma do hesabê qirkerdişan bipersê.‘‘
Fermandarîya Qerargahî ya Merkezê Pawitişî yê Şarî derheqê hêrişê dewleta tirkî yê serê Başûrê Kurdîstanî de eşkerayîyêka nuştekîye daye û va: ''Ma do hesabê qirkerdişan bipersê.‘‘
Fermandarîya Qerargahî ya Merkezê Pawitişî yê Şarî ard ziwan ke dewleta tirkî bi zanayîş û plankerde hêrişê sivîlan kena û ê do qesasê înan bigêrê.
Fermandarîye bale ante hêrişê dewlata tirkî yê vera Têgêrayîşê Azadîye yê û şarê Kurdîstanî ser û va: ‘‘Dewleta tirkî ya îşxalkare ke vera Gerîlayê Azadîye yê Kurdîstanî de serkewtiş dest nêfînena bi malîyetanê pîlan hêrişê hewayî kena û wazena ke xo sey serkewteyî ramojne. Bi taybetî zî çalakîyê serkewteyî yê hêzanê ma yê ke 9 û 10ê Teşrîna peyêne de ameyî viraştene ra dime ra bombardûman zêdîyayî.''
Fermandarîye vist vîr ke hêrişê hewayî yê artêşa tirkî her roje zêdîyene û va: ‘‘Tewr peynî de zî 14ê Teşrîna peynê de dewa Eredna yê Amedîye de 3 dewijê ke kuwarîyê mêyesanê xo kontrol kêrdene hetê artêşa tirkî ra ameyî qetilkerdene. Dewleta tirkî bi nê hêrişan wazen ake şarê Başûrî bitersno. 3 serranê peyênan de heman mitiqa de 14 kesî ameyî qetilkerdene. Dewleta tirkî ra persayîşê hesabê naye, girewtişê qesasî û gonê înan erdê nêverdayîş wazîfeyê heme hêzanê waletperweranî yo. Ma sey HPG yî na babete de bêteredutî şarê xo pawenê û mucadeleyê persayîşê hesabê nînan danê. Na bingehî de Remezan Ehmed, Dilovan Salîh û Îsmaîl Hîsên ke emegê înan mucadeleyê azadîye yê Kurdîstanî de esto, ma merdimanê înan û şarê Başûrê Kurdîstanî rê serweşîye wazenê.‘‘