Netîcenameyê 'Komxebata Dîyalogê Zereyî'
Netîcenameyê konferansê geşkerdişê dîyalogê zereyî yê mabênê KNK û Yewîya Parlamenteranê Kurdîstanî ame eşkerakerdene. Netîcename de seba qedînayîşê alozîyanê zereyî vengdayîşêko girîng esto.
Netîcenameyê konferansê geşkerdişê dîyalogê zereyî yê mabênê KNK û Yewîya Parlamenteranê Kurdîstanî ame eşkerakerdene. Netîcename de seba qedînayîşê alozîyanê zereyî vengdayîşêko girîng esto.
Vengdayîşê Kongreya Neteweyî ya Kurdîstanî (KNK) û Yewîya Parlamenteranê Kurdîstanî ser o 21ê teşrîna peyêne de bi rayîrê online konferansê bi nameyê 'Komxebata Averberdişê Dîyalogê Zereyî' ame kerdene.
Temsîlkarê partî û rêxistinanê Kurdîstanî, temsîlkarê rêxistinanê komelkî,xeylêk sîyasetmedar, roşnvîr, hunermend, nuştox, medyakar û kesayetê xoserî bi temamî 250 kesî tewrê konferansî bîyî û înan mesajê girîngî pare kerdî.
Netîcenameyê konferansî ame eşkerakerdene. Netîcename de nînan ca girewt:
-Konferans destkewteyanê şarê Kurdîstanî sey destkewteyanê neteweyîyan vîneno û pawitişê nînan zî sey wezîfeyê xo vîneno.
-Konferans şerê zereyî heram û mehkum keno.
-Konferans pêkewtişê mabênê hêzanê kurdan sey tehlukeyêkê pîlî vîneno.
-Konferans pêro vengdayîş û înîsîyatîfanê dîyalogan rê paştî dano.
-Konferans venga pêro hêzanê Kurdîstanî dano ke peynîya alozîyan bîyarê, bêrê yewca û yewîya xo xurt bikerê.
-Konferans venga terefan dano ke vera yewbînan hemleya hêrişî vindarnê.
-Konferans pê hêvîdar o ke pêro terefî sondê neteweyîyî ser o bêrê pêser.