Operasyonê vera HDPyî de xeylêk kesî ameyî destbendkerdene

Çarçewa operasyonê qirkerdişê sîyasîyî de hemşaredar û wekîlê verênî yê HDPyî zî tede xeylêk kesî ameyî destbendkerdene.

Serdozgerîya Komare ya Anqara derheqê çalakîyanê Kobanê yê 5-9ê teşrîna verên a 2014 î de 7 bajaran de derheqê 82 kesan de qerarê destbendkerdişî da. Çarçewa operasyonê qirkerdişê sîyasîyî de hemşaredar û wekîlê verênî yê HDPyî zî tede xeylêk kesî ameyî destbendkerdene.

Nameyê kesanê ke ameyî tesbîtpkerdene wina yê:

Hemşaredarê Qersî Ayhan Bîlgenî, Endamê HDPyî yê RTUKî Alî Urkut, Endamê Komîsyonê Karanê Teberî yê yê HDPyî Nazmî Gur, Endamê Heyetê Rayberdişî yê Merkezê HDPyî yo verên Can Memiş, wekîlo verên û Endamê Heyetê Îmraliyî Sirri Sureyya Onder, Endamê Heyetê Rayberdişî yê Merkezê HDPyî Alp Altinors, Alyla Akat Ata, Temel Demîrer, Hakan Gulseven, Berfîne Kose, Gulfer Akkaya, Bîrcane Yorulmaz, Beyza Ustun, Dîlek Yagli, Altan Tan, Emîne Ayna û Gunay Kubîlay.

Wextê destbendkerdişê Ayhan Bîlgenî şar verê berê ci de bi slogananê ''No şar pê to sereberz o'', ''No bajar pê to sereberz o'' eştî.

Yeno pawitine ke Bîlgen badê îfadeyê xo bêro berdene bi Anqara.

Cipersayîşo ke hetê Serdozgerê Komare ya Anqara Yuksel Kocomano ke rojanê ravêrtayan de Qesr de Serekkomar Erdogan zîyaret kerdbi, yeno rayraberdene, serrêke verê cu amebi destpêkerdene. Çarçewa cigêrayîşî de verî îfadeyê hemserekanê verênan ê HDPyî Selahattîn Demîrtaş û Fîgene Yuksekdag amebi girewtene. Demîrtaş dosyaya ke tepişte ameyêne muhakemekerdene ra ame tehlîkerdene, eynî roje 'cipersayîşê Kobanê' ra reyna amebi tepiştene.

Hetê bînî ra Heyetê Rayberdişî yê Merkezê HDPyî qerarê kombîyayîşî girewt. Bi tewrbîyayîşê hemserekan Pervîne Buldan û Mîthat Sancarî do saete 18:00 kombîyayîş bêro kerdene.