Rewşa weşîya Yaxizî xirabêr bena

Girevê vêşanîye yê temsîlkarîya HDP’yî ya Hewlêrî roja xo ya 95. de yo. Rewşa Nasir Yagizî bena giran. Grevê vêşanîye hetê grûba 48. ra dewr gerîya.

Nasir Yagizo ke hemverê tecrîdkerdişê Rayberê Şarê Kurdî Abdullah Ocalanî Hewlêr de grevê vêşanîye yê bêdem û bêagêrayîşî de yo, 3 mengî xo peyî de verdayî. Halê weşîye yê Yagizî roje bi roje xirab bena.

Temsîlkara HDP’yî ya Hewlêrî Muzeyen Guneşe da zanayene ke rewşa Yagizî çend şino xirab bena. Yagiz  nêeşkeno qisey bikero û rakewtiş de zî zehmetîye anceno. Guneşe veng da ke semedê wedartişê tecrîdê serê Ocalanî û paştdayîşê xoverdayoxanê grevanê vêşanîye rêxistinê mîyanneteweyîye Tirkîya rê zext bikerê.