Roniştişê Mustafa Çelîkî ame kerdene

Sîyasetmedaro kurd Mustafa Çelîko ke Bremen de amebi tepiştene ewro Hamburg de roniştişê dewaya ci ame destpêkerdene.

Sîyasetmedaro kurd Mustafa Çelîko ke Pali yê Xerpêtî ra yo Bremen de aşma çele de amebi tepiştene. Dawaya Çelîkî ewro Hamburg de ameye destpêkerdene.

Babîyê Çelîkî Sadîn Çelîk, Hemserekê FED-DEMî Saît Bîlgn, Vervatoxa Meclîsê Cinîyan ê Hamburgî Leyla Kaya, Parlamentera Parîtîya Çepe ya Hamburgî Cansu Ozdemîr zî tede kurdîstanij û alamanan ra grûbeke tewrê roniştişî bîye.

Dozgerîye îdîa kerd Çelîk endamê PKKyî  yo û waşt ke wa bêro cezakerdene. Bale ameye antene ke dozgerîye çalakîye demokratîkî sey sebebê sûcî hesibnayî.

Avûkatê Çelîkî Heinz.R Schmittî ard ziwan ke problemê giranî yê weşîye yê Çelîkî estî û gerek kontrolê doktorî de bi. Avûkatî vera dozgerîye îtîraz ked ke çalakîyê bitestûrî sey sûcî ramojnayî. Reyna binpaykerdişê heqan ê Tirkîya vist vîrî ke doszgerîye qet nêardî ziwan.

Roniştişê Mustafa Çelîkî siba do dewam bikero.