Xarpêt de bi girdîya 6.8 de erdlerz - Newe Bîye

Xarpêt de bi girdîya 6.8 de erdlerz ame meydan. Erdlerz heme bajaranê herême de ame hîskerdene. Xarpêt de 8 û Meletî de de 6 kesan cuya xo vîne kerde. Goreyê zanayîşanê verînan 57 kesî birîndarî.

Goreyê Rasatxaneyê Kandîllî Xarpêt de merkezê ci Sîvrîce saete 20:55 bi girdîya 6.8 de erdlerz bi. Erdlerz sere de Amed Mêrdîn, Êlih, Şirnex, Çewlîg, Dêrsim, Semsûr û Meletî de ame hîskerdene.

Merkezê Xapêrtî de bi seyan bînayî rijîyayî û xeylêk hemwelatijî binê enkazî de mendî.  Ekîbê AFADî semedê xelisnayîşê kesanê ke binê enkazî de yê gureyene. Badê erdlerzî şar vejîya kuçeyan. Xarpêt de 8 û Meletî de  de 6 kesan cuya xo vîne kerde. Goreyê zanayîşanê verînan 57 kesî birîndarî.

Qezaya Şankuşî ya Amedî de xeylêk keyeyan xesar dî. Reyna derûdorê Awbendê Karakayî de zirnarî ke raqilyayî ginayî war. Merkezê Xarpêtî de bînayêk de dogalgaz teqa şewat vejîya.