Xoverdayîşê Heftanînî

Şerwanê zixm, rik û bawermendê welatê ma yê ke rayîr nêdanê kolonyalîzm wa qala destano ke hê nusenê bikerê. Ma wextêk de yê ke êyê ke şer kenê benê rind.

Seba ke merdimî erdê xo de bi hawayêkê azadî biciwîyê meydanê şerî de cinî û camêrdê çêrî vera dîktatorê tewr zorbazî şer kenê. Têkoşînê koyan û deştanê Heftanînî bêaman o. Hostayanê şorişî cara vatbi xoverdayîş ciwîyayîş o. Şerwanê ciwanî beşê tewr fîrazî yê cuye de ciwîyenê. Hela tewr xedare ya şerî de û hela tewr çetine ya cuye de pê hewarê qesasî qîrenê. Milê xo de têna çeke nê, çekan reyde amyoxê rûmetênî yê şarî û xeyalanê azadîye zî kirişnenê.

18, 18 rojî yo ke do 18 serran qala ci bêra kerdene. Nê 18 rojî pê qîrayîşê 'Tîya Heftanîn o'do tarîxê Kurdîstanî de ca bigêrê û mezgê dewleta tirke yê faşîstî de ca bigêrê. Şerwanê zixm, rik û bawermendê welatê ma yê ke rayîr nêdanê kolonyalîzm wa qala destano ke 18 rojan ra nata hê nusenê bikerê. Ma wextêk de yê ke êyê ke şer kenê benê rind. Ne birînî, ne rincanî, ne bêhewnî ne zî vêşanîye rindîya nînan nêherimnenê. Her parçeyê şarapnelî rindîya nînan zêdîneno. Şerwanî pê nê parçeyan sereberz ê û nînan sey nîşaneyê şorişî xo serî de açarnenê. Şerwanî pê xeberanê spekulatîfan û medyaya şerê taybetî yarî kenê û nê xeberan pûç kenê. Hende şîyar ê.

Ma do heta peynî şer bikerê

Wa nika zî şerwanî qala nê 18 rojan bikerê. Şeşdara cayo ke xoverdayîşê Heftanînî keno pîl û tede şero giran esto. Gerîlaya Zinarine Zinar zî Şeşdara de ya. Zinarine vana: ''Vera faşîstan û teknîkî têkoşînêko pîl yeno kerdene. Bi taybetî xoverdayîşê Şehîde Esmere, Şehîde Nûcane, Şehîde Bêrîvane, Şehîde Ararate û Şehîde Zeryane do tarîx de ca bigêrê. Dewleta tirke ya faşîste pê pêro îmkananê xo hêrişê Heftanînî kerd. Pê kobra, teyarayanê şer û keşfî da her noqtaya Heftanînî ro.

Şeşdara de ma hema hema pêro noqtayan de şer kerd. Bi taybetî teyarayanê şerî bi hawayêkê giranî piro dayêne. Rixmê hende teknîkî zî gamêke zî apey nêerzîyaye. Ma şexsê embazanê ke Şeşdara de şehîd bîyî no dî. Embazanê ma yê şehîdan xeyal kerdêne ke welatêkê azadî de biciwîyê. Caardişê xeyalanê înan deynê ma yo. Ez sey gerîlayêka YJA-Starî Cengê Heftanînî de ca gêna. Ma do înan poşman bikerê ke ameyê tîya. Vatişê ma yo peyên o; ma do heta peynî şer bikerê.''

Gerîlayî tarîx nusenê 

Gerîlaya YJA-Starî Eyleme Mazlum zî Cengê Heftanînî de ca gêna. Eyleme qala nê 18 rojan wina kena: ''Dewleta tirke ya faşîste reyna wazena ke gerîlayan çin bikera. La vera naye xoverdayîşêko pîl esto. Her cayê Heftanînî de şer esto û cewabê nê şerî esto. Înan xîret kerd ke pê teknîkî îradeyê gerîlayan bişiknê la nêşikîyayî. Çunke gerîlayî hêzê bawerîye yê. Raşta zî tîya de helê tarîxîyî qewimîyayî. Vera teyaraya fîloyî têna yew-di gerîlayan şer kerd.

Mi warê Partîzanî de no dî. Heftanîn de destanê 'vera teknîkî îradeyê merdiman' nusîyeno. Aslê xo de ma tîya de benê şahîdê ci ke merdimî pê serkewtişî bawer bikerê eşkenê her çî bikerê. Her yew embazê ma vera artêşe şer keno. Eke ê ameyî do bedelê ci zî bidê.''

Têkoşînê ma zor dano înan

Gerîlaya bîne Çîçeke Canfeda Gabar zî derheqê Cengê Heftanînî de nê çîyî vatî: ''Qet yew teknîk nêeşkeno îradeyê ma bişikno. Çunke ma pê îradeyê Rayberîya formêk girewt. Merdimê ke wazenê pê rûmet û şerefê xo biciwîyê, welat, erd û şarê xo ca nêverdenê. Çunke sebebê estbîyayîşê ma şar û welatê ma yo. Ma do heta çilka peyêne ya gonîya xo şer bikerê û têkoşînê xo pîlêr bikerê.

Têkoşînê ma zor dano înan. Mabênê çend rojan  de neçare manenê ke leşkeranê xo bivurnê. Eke teknîkê înan çin bibîyêne nêeşkîyanê vera ma vinderê. No zî seba ma moralêko pîl o.''