YRK: Hêrişê vera Asosî de 2 gerîlayî û 3 sivîlî şehîd bîyî

YRKyî da zanayene ke hêrişê hewayî yê dewleta tirke yê 26ê gulane ê vera herêma Asosî de 2 gerîlayî û 3 sivîlî şehîd bîyî.

Fermandarîya Pêroyî ya Yewîyanê Rojhelatê Kurdîstanî (YRK) derheqê hêrişê hewayî yê dewleta tirke yo ke 26ê gulane de vera herêma Asosî ya Başûrê Kurdîstanî ame kerdene de eşkerayîyêke daye.

Eşkerayîye de bale ameye antene ke hêriş bi hemkarîya xayînan ameyo kerdene û nê ameyî parekerdene:

''Dewleta tirke seba ke destkewteyanê şarê kurdî û têgêrayîşê şorişî yê Kurdîstanî bifîno dest hêrişê çar hetanê Kurdîstanî kena. Îşxalkerî wazenê ke bi zext û hêrişan kurdan teslîm bîgêrî. Coka hêrişê Vakur, Başûr, Rojhelat û Rojawanî kenî. Na çarçewe de 26ê gulane de dewa Sefre ya herêma Asosî de hêrişê hewayî ame kerdene. Embazê ma û hîrê kurdê welatperwerê ke semedê meymanîye ameybî zereyê wesayîtêk de teyarayanê şerî ra şehîd bîyî. Nê hêrişî reyna ramojna ke bê hetkarîya xayînan dişmen nêeşkeno bireso amence xo.''

YRKyî eşkera kerd ke gerîlayê ke hêriş de şehîd bîyî  Rojhelatê Kurdîstanî ra  Rêbaz Sine û Zinar Bursk ê.