Şaristanê Strasbourgî yê Fransa de çalakîya roniştişî ya ke rayberîya TJK-E û KCDK-E de 12ê gulane de dîyaye destpêkerdene vera hêrişanê îşxalî yê dewleta tirke û tecrîdî dewam kena. Hewteyê diyînî de çalakîye pê koma 25 kesan a Almanya û Swîsre dewam kena.

Şerafettîn Elçî tewrê çalakîye bi û vat: ''Na çalakîye seba ma kurdan xeylêk girîng a. Nê hêrişê îşxalî vera pêro kurdan ê. Mabênê Rojawan, Rojhelat, Vakur û Başûrî de qet yew cîyatîye çin a. Ganî ma pêro wayîrê nê şerî (xoverdayîşê gerîlayan) vejîyê. Eke ma wina nêkerê dewleta qirkere do ma qetil bikera. Ganî çar parçeyanê Kurdîstanî de yewîya kurdan bêra caardene.''

Çalakîkerê bi nameyê Ercanî zî pare kerd ke ganî kurdî wayîrê gerîlayan vejîyê. Çalakîkerê bi nameyê Taylanî zî da zanayene ke pê nê hêrişan qelskerdişê PKKyî yeno armanckerdene û vat: ''Hêrişan pê tecrîdê vera Rayber Apoyî dest pêkerd. Ganî kurdî vera dewlete tewirê xo bimojnê. ''