Çalakîya roniştişî ya vera îşxal û qirkerdişî şaristanê Strasbourgî yê Fransa de hewteyê 3. de ya. Çalakîye pê beşdarîya dezgehanê bawerîye, Konfederasyonê Êzidîyan ê Ewropa, Meclîsanê NCDKyî û aktîvîstanê TJK-E dewam kena.
Çarçewa Hemleya 'Vera qirkerdiş û îşxalî her ca Avaşîn, Zap û Metîna yo. Wext wextê azadîye yo' de rayberîya TJK-E û KCDK-E de şaristanê Strasbourgî yê Fransa de çalakîya roniştişî yena kerdene. Çalakîye hewteyê 3. de dewam kena.
Çarçewa çalakîye de derheqê tecrîdê vera Rayberê Şarê Kurdî Abdullah Ocalanî, hêrişanê îşxalî yê Tirkîya, grevê vêşanîye yê tepişteyan de hetê KCDK-E ra dosyayî ameyî amadekerdene. Dosyayî hetê Hemsereka NCDKyî ya Freibourgî Leyla Topuz, Endamê FEDA Demîr Çelîk, Endamê CÎKî Mele Kasim Serhet, Endamê Federasyonê Êzidîyan ê Ewropa Carsur Cemal, Hemserekê KCDK-E Yuksel Koçî ra dosyayî teslîmê Konseya Ewropa ameyî kerdene.
Çalakîye de vizêr derheqê Qirkerdişê Agirî, Zîlane û Şêx Seîdî de panelî ameyî kerdene. Temsîlkarê CÎKî Mele Kasim Serhedî panel de qisey kerd û da zanayene ke vera kurdan qirkerdiş dewam keno.
Dima hunermendê TEV-ÇANDî Ozan Seyîdxan, Ozan Şemdîn, Comet, Peyman, Bengî Agirî, Tulay Şahmîran, Ozan Zahir, Şanoger Emale, Sîmar, Berbang û Lokman vejîyayî sehne ser.
