Çarçewa Hemleya 'Vera îşxalî her ca Avaşîn, Metîna û Zap o, wext wextê azadîye yo' de rayberîya TJK-E û KCDK-E de şaristanê Strasbourgî yê Fransa de çalakîya roniştişî ke 12ê gulane de amebî destpêkerdene hetê koma newîye ra ameye dewrgirewtene.

Çalakîya ronişitşî cayê Nobeta Azadîye yo ke dezgehê Ewropa tede yê de yena kerdene. Çalakîya ke bi desan sazgehê Kurdîstan û Tirkîya paştî danê ci semedê protestokerdişê tecrîdê serê Rayberê Şarê Kurdî Abdullah Ocalanî û hêrişê îşxalî yê vera Herêmanê Pawitişî yê Medya yena kerdene. 

Koma newîye de 30 kesê ke Swîsre ra ameyî ca genê. Bi nameyê kome Tahsîn Amedî ard ziwan ke ê sey CDK-Swîsre çalakîye dewr genê. Amedî vat heta şiknayîşê hêrişê îşxalî yê vera waranê gerîlayan û tecrîdê serê  Rayberê Şarê Kurdî Abdullah Ocalanî do çalakîyê înan dewam bikerê.