Îşxalkerî dewanê Til Temirî ser o bombayan  varnenê

Dewleta Tirkan a îşxalkere cerganê xo reyde bi bombardûmanêka girane hêrişê dewanê Til Temirî kena.

Gore xeberan, îşxalkerî saete 09:45 de bi obus û hawanan dewanê Dawudîye û Hiwêşa yê Til Temirî ser o bombayî varnayî. Nê dewan de sivîlî zî estî.

Îşxalkeran 12ê teşrîna peyêne de bi hawayêkê giranî dewanê Reşidîye, Qasimîye, Reyhanîye, Menax, Ûm el Kêf û Azîzîye, Dirbo û Kinebirî yê Til Temirî ser o bombayî varnayî.

Dewleta Tirkan a îşxalkere cerganê xo reyde 9ê teşrîna verêne ra nata hêrişê Rojawanî kena. Çarçewa peymananê ke DYA û Rûsya reyde ameyî kerdene Dewleta Tirkan tay cayî îşxal kerdî. Hêrişan de bi seyan sivîlî ameyî kiştene, bi se hezaran sivîlî zî warê xo ca verdayî. Gore raporanê rêxistinanê mîyanneteweyan hêrişan de înfazê kome zî tede zaf sucê şerî ameyî kerdene. Îdareyê Xoserî eşkera kerd ke sey fosfora sipîye zaf çekê qedexekerdeyî zî yenê xebitnayene.