Xeylêk şaristananê Ewropa de Endamê Konseya Fermandarîye ya HPGyî Sînan Dêrsim (Dalokay Şanli) ame yadkerdene.

Beşanê MEclîsê Federasyonê FCDKyî Kawa şaristanê Frankfurtî yê Almanya de konferansê xo yo 1. kerd. Konferans di rojan dewam kerd û konferans de Sînan Dêrsim ame yadkerdene û derheqê ey de sînevîzyonêk ame mojnayene. Konferans de hêrişê îşxalî yê Herêmanê Pawitişî yê Medya zî ameyî şermezarkerdene.

Şaristanê Rotterdamî yê Hollanda de Merkezê Komelê Demokratîkî yê Kurdan de seba Sînan Dêrsimî aktîvîteyêke ameye kerdene. Aktîvîte de Komîsyonê Keyeyanê Şehîdan ra Derman Heval û Velî Rojî qisey kerd û pare kerd ke ê ganî pê pratîkê xo layîqê Sînan Dêrsimî bibê.

Şaristanê Dresdenî yê Almanya de Merkezê Komelê Demokratîkî yê Kurdan de seba Sînan Dêrsimî aktîvîteyêke ameye kerdene. Aktîvîte de qiseykerdişan de ame vatene eke ganî wayîrê mîrasê şehîdan bêro vejîyayene. Aktîvîte de sînevîzyonêk zî ame mojnayene û sloganê 'Biciwîyo Serek Apo' ame vatene.