Endamê Konseya Fermandarîye ya HPGyî Sînan Dêrsimo ke 27ê teşrîna verêne ya 2020î de hêrişêkê hewayî yê dewleta tirke ya îşxalkere de şehîd bibi xeylêk şaristananê Ewropa de bi aktîvîteyan ame yadkerdene.

Şaristanê Kolnî yê Almanya de hetê Sazgehê Keyeyanê Şehîdanî ra aktîvîteyêke ameye organîzekerdene. Aktîvîte de bi nameyê KOMAWî  Şengê Kahraman qisey kerd. Kahramane bale ante ser  ke çar Sînanan cuya aye ser tesîr kerdo û vat: ''Mi çar Sînanî nas kerdî. Çarin zî mi ser o tesîr kerd.  Sînan Cemgil, Sînan Amed, lajê mi Sînan Cemgîl û Sînan Dêrsim. Ez şexsê nê çar Sînan de heme şehîdanê ma yad kena. Dejê ma pîl o la têkoşînê ma do dewam bikero.'' Kahramane bi lawika kirmanckî qiseykerdişê xo qedîna. Reyna bi nameyê xeylêk sazgehanê bînan zî qiseykerdişî ameyî kerdene û sozê domnayîşê têkoşînê şehîdan ame dayene.

Seba Sînan Dêrsimî şaristanê Hamburgî yê Almanya de aktîvîteya yadkerdişî ya girseyî ameye kerdene. Aktîvîte pê deqayêkê rêzgirewtişî dest pêkerde. Şervan Katoyo ke bi nameyê KOMAVî qisey kerd ard ziwan ke Sînan Dêrsimî heme wezîfeyê xo bi serkewtiş ardî ca û vat o mîlîtanêko serkewte bi. Katoyî bale atne ser ke qet yew têkoşîn bê bedeldayîşî ser nêkeweno û vat hemrayê Sînan Dêrsimî do têkoşînî pîlêr bikerê. Reyna temsîlkaranê xeylêk dezgeh û rêxistinanê kurdan qisey kerd û ame parekerdene ke Sînan Dêrsimî pê têkoşîn û xoverdayîşê xo kedêka pîle daye têgêrayîşê azadîye yê Kurdîstanî. Aktîvîte pê deyîranê Ozan Aydinî û wendişê şîîran qedîyaye.

Aktîvîteya yadkerdişî Merkezê Kulturî yê Ahmet Kayayî de ame kerdene. Aktîvîte pê deqayêkê rêzgirewtişî dest pêkerde û derheqê Sînan Dêrsimî de sînevîzyonêk ame mojnayene. Aktîvîte pê deyîranê TEV-ÇANDî qedîyaye.

Banlîyoyanê Drancyî, Mantes le Jolie, Villiers le Belî û Vileneuve Saint-Gegorgeyî de zî Sînan Dêrsim bi heman hewayî ame yadkerdene. Pêro aktîvîteyan de embazanê Sînan Dêrsimî û temsîlkaranê dezgehanê kurdan Dêrsimî ser o qisey kerd.

Duisburg de zî aktîvîteya yadkerdişî Merkezê Komelê Demokratîkî yê Kurdan (NCDK) de ame kerdene. Qiseykerdişan de ame vatene ke kurdî do rêçê şehîdan ser o şorê û wayîrê înan vejîyê. Aktîvîte de derheqê Sînan Dêrsimî de sînevîzyonêk ame mojnayene.

Şaristanê Bonnî yê Almanya de aktîvîteya yadkerdişî de mesajê 'Waştişê şehîdan pê xoverdayîşî resenê armancî' dîya.

Aktîvîteya şaristanê Stuttgartî yê Almanya de pê qiseykerdişan bale ameye antene têkoşînê Sînan Dêrsimî ser.

Ciwananê TCŞ û TÊKO-JIN seba yadkerdişê Sînan Dêrsimî şaristanê Bielefeldî yê Aşmanya de aktîvîteyêke kerd û sînovîzyonêk mojna.

Şaristanê Kasselî yê Almanya de Şehîd Sînan Dêrsim pê aktîvîteyêke ame yadkerdene. Aktîvîte pê deqayêkê rêzgirewtişî dest pêkerde.

Şaristanê Goteborgî yê Swêdî de aktîvîteya yadkerdişî yê Meclîsê Goteborgî de qala têkoşerîya Sînan Dêrsimî ameye kerdene. Aktîvîte de hêrişê vera Zap, Avaşîn û Metîna zî ameyî protestokerdene.

Şaristanê Rennesî yê Fransa de NCDK de Sînan Dêrsim pê aktîvîyêke ame yadkerdene. Aktîvîde bale ameye antene tecrîdê vera Abdullah Ocalanî ser zî.

Şaristanê Marsilya yê Fransa de xeylêk kesî tewrê aktîvîteya yadkerdişî bîyî. Salona aktîvîye pê fotografanê Sînan Dêrsim û Abdullah Ocalanî xemilîyaye. Aktîvîte de hêrişê vera Zap, Avaşîn û Metîna zî ameyî protestokerdene.

Şaristanê Toulouse yê Fransa de aktîvîteya yadkerdişî de têkoşîn û cuya Sînan Dêrsimî ser o ame qiseykerdene û sînevîzyonêk ame mojnayene.

Şaristanê Kopengahî yê Danîmarka de NCDK de aktîvîteya yadkerdişî ameye kerdene û cuya Sînan Dêrsimî ser o sînevîzyonêk ame mojnayene. Aktîvîte de xoverdayîşê gerîlayan ame selamkerdene.

Bordeaux

 Arnhem

Gävleborg