Merkezê Çapamenî û Îrtîbatî yê HPG’yî da zanayene ke gerîlayan Şirnex û Agirî de dayo eskeranê Tirkî ro û nê pare kerdî:

''ŞIRNEX DE YEWMÎYA NIMITEYE  AMEYE PIRODAYENE

19’ê Sibate de hêzanê ma Koyê Cûdî yê Şirnexî de herêma Korê de yewîyêka artêşa Tirkî girewte binê denetîmî, demêk teqîp kerde û heman rojê de saetanê cemê şanî de hedef girewte. Çalakîya ke bi hawayêkê bitesîrî ameye viraştene de hûmara merde û birîndaranê dişmenî nêameyî tespîtkerdene.

20’ê Sibate de artêşa Tirkî herêmanê Derîyê Berana, Derîyê Wara û Navsarî yê Koyê Cûdî de operasyonêk da destpêkerdene. Operasyon heman roje de saetanê şewî de pêser ancîya.

AGIRÎ DE VERA WESAYÎTÊ ZIRXINÎ ÇALAKÎYA SABOTAJÎ

21’ê Sibate de saetanê şeqefî de serê rayîrê dewa Zorava ya qezaya Bazîdî ya Agîrî de vera wesayîtê zirxinî yê tîpê Kobra yê artêşa Tirkî çalakîya sabotajî ameye viraştene. Gama ke detayê çalakîye bêrî zelalkerdene do rayaperoyî dir bêrî parekerdene.‘‘