Amed de polîsan destûr eşkerayîya HDPyî nêda

Rêxistina HDPyî ya Amedî waşt ke eşkerayîyeke bidê la polîsan vernîya şarî girewt û destûr nêda ke eşkerayîye bêro dayene.

Rêxistina Partîya Demokratîke ya Şaran (HDP) ya Amedî derheqê kongraya xo ya 4. de waşt ke Yenîşehîr de eşkerayîyêke bide. Polîsan bi wesayîtanê zirxinan rayîr girewt û grûba ke parlemtenrê patîye de tede ca gênê girewtê binê ablûqa.

Polîsan vat eşkerayîye hetê walîtîye ra ameye qedexekerdene coka ê destûr nêdanê la grûbe peyser game nêeşte û bi slogana, ''Wa biciwîyo Rayber Apo' dest bi rayraşîyayîşî kerd. Dima ra grûbe waşt ke verbi Parka Koşuyolî ya Baglarî rayra şiro la reyna vernîya ci ame girewtene.