Vizêr heyetê haştîye yo ke waştbi şêro Başûrî amebi astengkerdene. Şaristananê Bern û Baselî yê Swîsre de astengkerdişê Heyetê Haştîye yê hetê îdareyê PDKyî û dewleta almane ra ame protestokerdene.

Bern

Kurdîstanijî verê temsîlkarîya PDKyî ya Bernî de ameyî pêser û pê çalakîyêke astengkerdişê heyetî şermezar kerd. Çalakîkeran dowîzê bi nuşteyê 'Heyetê Haştîye wa cade bêro pêşwazîkerdene', 'Dewleta tirke verê çimanê pêro dinya de kurdan qir kena' akerde.

Basel

Rayberîya Komîteya Rojawanî ya Baselî û Merkezê Komelê Kurdan de verê Parlamentoya Kantonî ya Baselî de nawnayîşêk ame kerdene. Eşkerayîya protestoyî de ame vatene ke kurdî heta pêşwazîkerdişê heyetî do meydanan de bibê.