Paytextê Awusturya Viyana, Paytextê Fransa Paris û şaristanê Zurihî yê Swîsre de bira Amerîka ya vera 3 kadroyanê rayberan ê PKKyî Cemîl Bayik, Murat Karayilan û Duran kalkan  pê çalakîyan ameye şermezarkerdene.

Viyana de vera bira Amerîka çalakîya rayraşîyayîşî ameye kerdene. Çalakîye de pankarta bi fotografanê 3 şorişgêran ameye akerdene û sloganê 'Biciwîyo PKK', 'Biciwîyo xoverdayîşê gerîlayan' û 'Biciwîyo Serek Apo' ameyî vatene. Ciwanan da zanayene ke ê do vera hêrişanê îşxalî tim meydanan de bibê.

Zurih de zî çalakîye verê Parlamentoya Kantonê Zurihî de ameye kerdene û çalakîye de pankarta bi nuşteyê 'Temsîlkarê kurdan terorîst nîyê' ameye akerdene. Hemvervatoxê Komelê Kurdan ê Swîsre (CDK-S) Alî Şîmşekî çalakîye de ard ziwan ke ganî cade Amerîka na bira xo apey bigêra.

Paris de kurdîstanijan verê Sersefîrîya Amerîka de bira vera şorişgêranê kurdan şermezar kerde û îna pankarta bi nuşteyê 'Hîrê îdarekarê kurdî têkoşînê erjanê merdimîye kenê' û 'Çimê xo abikerê terorîstê pîlî ê yê' akerdî. Hemserekê CDK-Fyî Necmettîn Demîrkapiyî çalakîye de îfade kerd ke Kurdîstan hetê dewleta tirke ra yeno krîmînalîzkerdene. Demîrkapiyî venga her kesî da ke 29ê gulane de saete 15.00 de Meydanê Repuclique de tewrê çalakîye bibo.