CDK-F û TJK-Fyî çarçewa kampanyaya ''Komîteya Krîzî ya Hempare'' ya vera vîrusê Korona seba personelanê weşîye yê Fransa dest pê kampanyaya paştdayîşî kerd. Rêxistinî seba werdê xebatkaran û deştişê maskeyan do paştî bidê.

CDK-F û TJK-Fyî eşkera kerd ke înan hêverî Komîteya Krîzî ya Hempare nêweşxaneyê hewcedarî tesbît kerdî. Heta nika şaristananê Poissy, Mulhouse û Drancyî yê Fransa de restorantanê kurdan rojane tewr tay seba 150 kesan werd erşawitêne. CDK-F û TJK-Fî îfade kerd ke ê plan kenê ke pêro welat de bi hawayêkê nîzamî werd vila bikerê. Hetê bînî ra CDK-Fyî seba hewcedarîya maskeyan herêma Ile-de-France zî tede temamîya Fransa de venga dezgehanê kurdan da ke seba viraştişê maskeyan paştdî bidê înan. Pandemîya Covid-19î ra Fransa de 9 kurdî merdî. CDK-F û TJK-Fyî keyeyanê qurbanan rê serweşîye waşt û venga her kesî da ke seba vergirewtişê janê vîrusê Korona tedbîran bigêro û pê berpirsîyarî têbigêro.