Cenazaya gerîlayê HPGyî pê posta keyeyê ci rê şawîyaye

Gerîlayê HPGyî Egîd Îpeko ke Dêrsim de pêkewitşêk de şehîd kewtbi rixmê heme muracatanê keyeyê ci Serdozgerîya Komare ya Dêrsimî meyîtê ci nêdabi. Cenazaya Îpekî pê posta keyeyê ci rê ameye şawitene.

Gerîlayê HPGyî Egîd Îpeko ke 23ê gulana 2017î de Qilê Xelesorî yê Dêrsimî de şehîd kewtbi rixmê heme muracatan meyîtê ci nêdîyabi keyeyê ci. Cenaza ewro pê posta teslîmê keyeyî bîye.

Resim

Badê şehadetî keyeyê Îpekî yo ke semedê girewtişê cenaza muracat kerd ra ame vatene ke cenaza çîn a. Gulana 2019î de keyeyî ra ame vatene ke cenaza ameya dîyene. Keyeyî cade testê DNA kerd ke û bewlî bi ke cenazaya Îpekî ya. Serdozgerîya Komare ya Dêrsimî cenzaya ke Sazîya Tibê Edlîyî (ATK) ya Îstanbulî înan rê şawite keyeyê Îpekî yo ke Amed de yo rê pê posta şawite. Cenazaya ke 2ê adare de dîyaye posta ewro resaye keyeyê Îpekî.

Cenaza taxa Pizyanî ya qezaya Artuklu ya Mêrdînî de ameye definkerdene. Taxe hetê leşkeran ra gerîyaye binê ablûqa û dewkewtiş û vejîyayîşê taxe ameyî kontrolkerdene. Destûr nêdîya ke kesêk tewrê cenaza bibo. Têna hîrê kesan cenaza defin kerde.  Destûr nêdîya ke maya Îpekî Halîse Îpek zî tewrê cenaza bibo.

img